बेलडाँडीमा नयाँ हाकिमको आगमन

बेलडाँडी/२८ मंसिर । बेलडाँडी गाउँपालिकामा नयाँ हाकिमको आगमन भएको छ । बैतडीको दोगडाकेदार गाउँपालिकाबाट सरूवा भई बेलडाँडी गाउँपालिका प्रमुख प्रशासकीय अधिकृतको रूपमा गजेन्द्रप्रसाद थारुको आगमन भएको हो ।

दोगडाकेदार गाउँपालिकामा गत भदौ १८ गते हाजिर भएका थारुको ३ महिना नबित्दै कञ्चनपुरको बेलडाँडी गाउँपालिकामा सरुवा भएको थियो ।
बेलडाँडी गाउँपालिकाका अधिकृत कृष्णानन्द जोशी शरूवा भएपछि उनको ठाउँमा अधिकृत थारूको आगमन भएको हो ।

आज बेलडाँडी गाउँपालिका प्रमुख हरिश्चन्द्र रानाले उनलाई स्वागत गरेका थिए । प्रमुख प्रशासकीय अधिकृत जोशीको सरुवा भएपछि तत्कालका लागि गाउँपालिका प्रमुख प्रशासकीय अधिकृत विहिन भएको थियो ।

गाउँपालिकामा काम गर्न नपाउदै हाकिमहरुको सरुवा हुने प्रवृतिले स्थानीय तहका काम गर्न समस्या भइरहेको गाउँपालिका अध्यक्ष रानाले बताए । कामको सिजनमा गाउँपालिका प्रमुख प्रशासकीय अधिकृत बिहिन हुन नदिन अध्यक्षले ताकेता गरेका छन ।