बेलडाँडीका सहिद पत्नीको निधन

बेलडाँडी-कञ्चनपुरका एक सहिद पत्नीको निधन भएको छ । बेलडाँडी गाँउपालिका ४ वैवाह सहिद तिर्थ बहादुर बुढा(महाकाली)की धर्मपत्नी धनसरी बुढाको निधन भएको हो ।
सोमबार राती बेलडाँडी गाँउपालिका ४ वैवाह निवासमै मृत्यु भएको माओवादी केन्द्र बेलडाँडीले जनाएको छ । माओवादी केन्द्र बेलडाँडीका युवा नेता हरि प्रशाद शर्माले ५८ बर्षको उमेरमा सहित पत्नीको निधन भएको बताए । व्यवस्था परिर्वतनका लागि माओवादीले अघि सारेको जनयुद्धका क्रममा ०६२सालमा तिर्थ बहादुर बुढा(महाकाली)ले साहदत प्राप्त गरेका थिए । मंगलबार चौधर नदीमा मृतक धनसरीको अन्त्येष्टी गरिएको छ । माओवादीले घाटमै मौन धारण गरेका छन । नेकपा माओवादी केन्द्रका पोल्टिब्यूरो सदस्य लोकेन्द्र लम्सालले पार्टीको झण्डा ओढाउँदै पार्टीलाई अपुरणिय क्षति भएको बताए । धनसरी सहिद परिवार सदस्य थिईन । धनसरीको मृत्युसंगै उनको घर परिवार आफन्त पार्टी पंक्ति स्तब्ध भएका छन ।