कञ्चनपुर । कञ्चनपुर जिल्लामा प्रतिनिधि सभा सदस्य निर्वाचनअन्तर्गत बिहीबार सम्पन्न भएको मतदान शान्तिपूर्ण रुपमा सम्पन्न भएको छ।
साँझ ५ बजेसम्मको तथ्यांकअनुसार जिल्लाभर कुल १ लाख ८४ हजार ३१६ मत खसेको निर्वाचन कार्यालयले जनाएको छ।
जिल्लामा कुल ३ लाख १४ हजार ३८५ मतदाता रहेकामा उनीहरूमध्ये ठूलो संख्यामा मतदाताले मतदान प्रक्रियामा सहभागिता जनाएका छन्। खसेको मतमध्ये महिला १ लाख २ हजार ५१९ र पुरुष ८१ हजार ७९७ रहेका छन्।
निर्वाचन क्षेत्र नम्बर १ मा कुल १ लाख १ हजार ७२४ मतदाता रहेकामा ६१ हजार ७४ मत खसेको छ। जसमा महिला ३३ हजार ४०३ र पुरुष २७ हजार ६७१ रहेका छन्।
त्यस्तै निर्वाचन क्षेत्र नम्बर २ मा कुल १ लाख ९ हजार ५७४ मतदाता मध्ये ६४ हजार ८८१ मत खसेको छ। जसमा महिला ३६ हजार ३८६ र पुरुष २८ हजार ४९५ रहेका छन्।
यस्तै निर्वाचन क्षेत्र नम्बर ३ मा कुल १ लाख ३ हजार ८७ मतदाता रहेकामा ५८ हजार ३६१ मत खसेको छ। जसमा महिला ३२ हजार ७३० र पुरुष २५ हजार ६३१ रहेका छन्।
निर्वाचन कार्यालयका अनुसार जिल्लाका सबै मतदान केन्द्रमा मतदान प्रक्रिया शान्तिपूर्ण र व्यवस्थित रूपमा सम्पन्न भएको छ। सुरक्षा व्यवस्था कडा बनाइएकाले कुनै अप्रिय घटना बिना मतदान सम्पन्न भएको जनाइएको छ।
Discussion about this post