बेलडाँडी,
निर्माण व्यवसायी संघ कञ्चनपुरको नयाँ कार्य समिति चयनका लागि हिजो २५ गते भएको निर्वाचनमा जिल्लाको दक्षिणी क्षेत्र बेलडाँडीबाट युवा निर्माण व्यवसायी चित्र बहादुर कार्की सदस्य पदमा विजयी भएका छन् ।
जिल्लाको दक्षिणी क्षेत्र बेलडाँडी, बेलौरी, लालझाडी र पुनर्वास क्षेत्रबाट कार्की संघको सदस्य पदका एक्का उम्मेदवार थिए ।
कार्कीले खुला रुपमा उम्मेदवारी दर्ता गर्दै भुगोलको प्रतिनिधित्वका लागि आफ्नो उम्मेदवारी दिएका थिए । झण्डै डेढ दशकदेखि निर्माण व्यवसायमा लागेका कार्की यस अघि पनि सदस्य पदमा उम्मेदवारी दिएका थिए । पहिलो प्रयासमा असफल भएका कार्की यस पटक भने सफल भएका छन् ।
केदार निर्माण सेवाका निर्देशक कार्कीले पाएको जिम्मेबारी निर्भिकताका साथ आफै फिल्डमा खटिएर सन्तोषजनक गुणस्तरिय काम गर्दै आएका छन । बाबु सहित घरका सबै दाजुभाई सरकारी सेवामा भएपनि उनले निर्माण क्षेत्र रोजेका हुन । निर्माण क्षेत्रबाट समेत समाज र देश विकासका लागि भूमिका निर्वाह गर्न सकिने संकल्प सहित कार्की निर्माण व्यवसायी क्षेत्रमा जुटेका छन ।
बेलडाँडीका स्थानीय समेत रहेका युवा निर्माण व्यवसायी कार्कीलाई यस पटक मतदाताहरुले विजयी गराएका छन् ।
विजयी भएका कार्कीले सम्पुर्ण मतदाता, निर्वाचन समिति, शुभचिन्तक लगायत साथीभाइहरुमा हार्दिक आभार प्रकटगर्दै भने आम निर्माण व्यवसायीको हकहितका साथै दक्षिणी क्षेत्रमा रहेका निर्माण व्यवसायीलाई संघमा ल्याउने बताए । ‘मैले मेरो क्षेत्रबाट आम निर्माण व्यवसायीको हकहितका लागि काम गर्ने छु ।
कार्की लगायत विजयी हुने सदस्यहरुमा दिनेश चन्द, पारश जोशी, हरि सिंह बिष्ट, पदम राज भट्ट, देवी दत्त भट्ट र दिल बहादुर सिंह रहेका छन् ।
Discussion about this post