बेलडाँडी खुला फुटबल प्रतियोगिता: झिलमिला र वाई बि स्टार सेमिफाइनल प्रवेश

267
VIEWS

कञ्चनपुर /२३ भाद्र । बेलडाँडीमा जारी फुटबल प्रतियोगितामा दुई टिम सेमिफाइनल प्रवेश गरेका छन् ।

 

हिजो शुक्रबार भएको पहिलो क्वाटरफाइनल खेल दोधारा चाँदनी नगरपालिका र वाई बि स्टार युवा क्लब बिच भएको थियो। उक्त खेलमा निर्धारित समयमा कुनै टिमले गोल गर्न भने सकेनन् । दुबै टिमले बराबरी संगै खेलको निर्णय ट्राईबेकर बाट लगिएको थियो। जसमा दोधारा चाँदनी नगरपालिका लाई वाई बि स्टार युवा क्लबले ४-२ गोलले हराउदै सेमिफाइनल प्रवेश गरेको थियो।

 

दोस्रो क्वाटर फाइनल खेल झिलमिला युवा समाज “बि” र जय लक्ष्मी युवा क्लबका बिच भएको खेलमा जय लक्ष्मी युवा क्लब लाई झिलमिला युवा क्लबले ४-० गोलको अन्तरले हराउदै प्रतियोगिताको सेमिफाइनलको यात्रा पक्का गरेको छ।

दोस्रो दिनका क्वाटर फाइनल खेल आज हुनेछन् । क्वाटर फाइनलको तेस्रो खेल आज बिहान ८ बजे अल स्टार युवा क्लब ‘ए’ र सिहपाल युवा क्लब बेलडाँडी-२ बिच हुने छ। भने क्वाटर फाइनलको अन्तिम खेल एक्सेस मिटपोइन्ट र बेलौरी नगरपालिका-९ बिच दिउँसो १ बजे हुने क्लबका सचिव विकास महताले जानकारी गराउनु भयो। उहाँका अनुसार दुबै खेलमा जित निकाल्ने टिमले आफ्नो सेमिफाइनलको यात्रा पक्का गर्ने जनाईएको छ ।

Discussion about this post

सम्बन्धित समाचार

Related Posts

लोकप्रिय समाचार