सुनसरीको हरिनगर गाउँपालिका–५ मा भिनाजुले सालीको गोली हानी हत्या गरेका छन्।
जिल्ला प्रहरी कार्यालय सुनसरीका अनुसार भारतको अररिया जिल्लाका अजात मियाँले आफ्नी साली अर्चना खातुनलाई आइतबार राति करिब २ बजे गोली हानी हत्या गरेका हुन्।
हत्या किन गरिएको भन्ने कारण भने अहिलेसम्म खुल्न सकेको छैन। प्रहरी उपरीक्षक एसपी सुमन तिम्सिनाले जानकारी दिएअनुसार अर्चना खातुन र उनकी बहिनी मात्रै घरमा बस्दै आएका थिए। आरोपी अजात मियाँ अघिल्ला दिनहरूमा पनि राति–राति आइरहने गरेको बताइएको छ।
कारण भने नखुलेको जिल्ला प्रहरी कार्यालय सुनसरीले जनाएको छ
हत्या गरिएको घटनास्थलको मुचुल्का उठाइएको छ र आरोपीको खोजीका लागि प्रहरी परिचालन गरिएको छ।
घटनाबारे थप अनुसन्धान भइरहेको छ।
Discussion about this post