बेलडाँडी/भाद्र २४ । बेलडाँडीमा भएको देउडा प्रतियोगितामा चर्चित देउडा गायक डम्बर खडका प्रथम भएका छन् ।
सुदूरपश्चिमेलिहरूको महान पर्व गौरा पर्वको अवसरमा नेपाली काँग्रेस निकट सांस्कृतिक महासंघले आयोजना गरेको देउडा प्रतियोगितामा देउडीया गायक कलाकार खडका प्रथम भएका हुन ।
बेलडाँडीका स्थानीय तथा महेन्द्रनगर बजारमा होटेल ब्यवसायी गर्दै आएका खडकाले यस अघि पनि विभिन्न देउडा प्रतियोगितामा उत्कृष्ठ स्थान हासिल गर्देै आएका छन् ।
यस्तै द्वितिय स्थानमा बेलडाँडी गाउँपालिकाका अमिन पदमराज जोशी रहेका छन् भने तृतिय स्थानमा टीका साउद(सानु) भएको आयोजक कमिटीले जनाएको छ ।
उनीहरुलाइ क्रमस २१ हजार, ११ हजार र हजार नगदका साथै प्रमाण पत्र प्रदान गरिएको छ ।
समापन कार्यक्रमका प्रमुख अतिथि समेत रहेका सुप प्रदेश सभा सदस्य दिवान सिह बिष्टले विजेता देउडियालाई प्रमाण पत्र हस्तान्तरण गर्दै सुपको लोक देउडा खेल संरक्षण, प्रर्बद्धनमा जोड दिएका छन ।
Discussion about this post