कञ्चनपुर/ पुष २०। नेकपा एमालेले बेलडाँडीका नेता कार्यकर्ता प्रशिक्षण शुरु गरेको छ ।
एमाले बेलडाँडी गाँउकमिटिले नेता कार्यकर्ताहरुलाई प्रशिक्षण दिन शुरु गरेको हो । एमाले सुप प्रदेश कमिटिका सदस्य एव बेलडाँडीका नेता अहिमान सिह थापाले शुक्रबारदेखि प्रशिक्षण शुरु भएको बताए ।
एमाले नेता थापाका अनुसार एमाले केन्द्रीय सदस्य तथा पुर्व संसद नर बहादुर धामीको प्रमुख आथित्यमा प्रशिक्षण शुरु भएको छ ।
उनका अनुसार समसामयिक राजनीतिक विषयमा नेता कार्यकर्ताहरुलाई राजनैतिक वैचारिक प्रशिक्षण दिन लागिएको बताए ।
प्रशिक्षण कार्यक्रममा एमाले नेता धामी सहित केन्द्रीय सदस्य एव संविधान सभा सदस्य कृपराम राना, एमाले जिल्ला सचिव पल्लवराज भट्ट, उप सचिव कर्ण बहादुर चन्द, नेता गोबिन्द कलौनी सहितले प्रशिक्षण गरेका थिए ।
एमाले बेलडाँडीका अध्यक्ष लक्ष्मण भाटको अध्यक्षतामा शुरु भएको प्रशिक्षण कार्यक्रम शनिबारसम्म संचालन हुनेछन ।
Discussion about this post