राष्ट्रिय युवा संघको ३५औं र अनेरास्वववियुको ६०औं स्थापना दिवसको अवसरमा रक्तदान

कञ्चनपुर । राष्ट्रिय युवा संघ नेपालको ३५औं र अनेरास्वववियुको ६०औं स्थापना दिवसको अवसरमा नेकपा एमाले कञ्चनपुर पार्टी कार्यालयमा बृहत रक्तदान कार्यक्रमको आयोजना गरिएको छ ।

राष्ट्रिय युवा संघ नेपाल कञ्चनपुर र अनेरास्ववियु कञ्चनपुरको सयुक्त आयोजनामा कार्यक्रम सम्पन्न भएको नेकपा एमाले जिल्ला उपाध्यक्ष तथा प्रचार विभाग प्रमुख जनक राज अवस्थीले जानकारी गराउनु भयो ।

उहाँका अनुसार राष्ट्रिय युवा संघ नेपालको ३५औं र अनेरास्वववियुको ६०औं स्थापना दिवसको अवसर पारेर उनीहरुलेनै उक्त कार्यक्रम गरेको बताउनु भयो । कार्यक्रममा नेकपा एमालेका नेता कार्यकर्ता र विद्यार्थीहरुको सहभागिता रहेको थियो ।

सो कार्यक्रममा १९ जनाले रक्तदान गरेका थिए । अनेरास्ववियु र राष्ट्रिय युवा संघ नेपालले विभिन्न समयमा सामाजिक उत्तरदायित्वका कामहरू गर्दै आइरहेको छ भने आगामी दिनमा अझै महत्त्वपूर्ण कार्यक्रमहरू गर्ने जनाएको छ ।