बेलडाँडी,
बेलौरी नगरपालिका वडा नं.१० टापर स्थित भारत बाट नेपालतर्फ अवैध तरिकाले बोइलर कुखुरा ल्याई लुकाई छिपाई रोडको छेउमा राखेको अवस्था प्रहरीले फेला पारेको छ ।
बेलडाँडी इलाका प्रहरी कार्यालयबाट सादा पोसाकमा खटिएका प्र.स.ह. बलराज गिरीको टोलिले १(एक) क्विन्टल बोइलर कुखुरा अन्दाजी २० हजार मुल्य पर्ने कुखुरा लुकाएर राखेको अवस्थामा फेला पारेको जनाइएको छ ।
आज सोमवार विहान ७ बजेको समयमा भारत बाट नेपाल ओसारेर राखेको अवस्थामा फेला पारिएका थिए । बरामद कुखुरा स्थानीय जनप्रतिनिधी, नेपाल प्रहरी, सञ्चारकर्मी लगायतको रोहबरमा आजै ९ बजे इलाका प्रहरी कार्यालयको परिसरमै नष्ट गरिएको थियो ।
Discussion about this post