कञ्चनपुर,
कञ्चनपुरका पत्रकार एव कौसिबारीका अभियन्ता धनसिह धामीले किसानलाई शितलचिनिको बिउँ वितरण गरेका छन ।
शुक्रबार धान दिवस तथा रोपाई महोत्सव कार्यक्रमको अवसरमा कौसिबारी प्रोत्साहन अभियानका कृषक धामीले भीमदत्त नगरका किसानलाई शितलचिनिको बिउँ वितरण गरेका हुन ।
मझगाँउमा २० औ राष्ट्रिय धान दिवस तथा रोपाई महोत्सव कार्यक्रम २०८० को अवसरमा धामीले भीमदत्तका वडा सदस्य हरि भट्टलाई बिउँ हस्तान्तरण गरेका हुन ।
कृषि क्षेत्रमा सानै कौसिबारीबाट भए पनि कृषि क्रान्तिमा युवाहरुको भुमिका हुनुपर्छ भन्ने हेतुले युवाहरुलाई प्रेरित गर्दै कृषक प्रोत्साहन अभियानमा लामो समय देखि लागेका धामी आफ्नो बारीमा लगाएका बिभिन्न तरकारी, फलफुलका बिरुवा निशुल्क रुपमा दिदै आईरहेका छन ।
भिमदत्त वडा न। ४ का वासिन्दा धामीले भीमदत्तनगर पुरानो बसपार्कबाट उक्त बिउँ बितरण कार्यक्रम सञ्चालन गर्दै आईरहेका छन । उहाँले कृषिमा आत्मनिर्भर बन्न सके भारतबाट आयात हुने बिषादी तरकारी तथा फलफुल रोक अभियान सफल हुनेछ भन्ने अभिप्रायले उक्त अभियानको शुरुवात गरेको बताउछन ।
कृषक धामीले आउदा दिनमा नि आफ्नो अभियानलाई निरन्तरता दिदै ड्रागनफल,शितलचिनि लगायत बिभिन्न किसिमका बोट बिरुवा निशुल्क वितरण गर्ने बताएका छन ।
Discussion about this post