कञ्चनपुर,
नेपाल र भारतका वन अधिकारी, संरक्षणकर्मी, सुरक्षाकर्मीले सीमा क्षेत्रका रहेका वन र बन्यजन्तु बिरुद्धमा हुने गैर कानुनी गतिबिधी न्यूनिकरण गर्न संयुक्त प्रयास आवश्यक रहेको औल्याएका छन ।
शुक्रबार महेन्द्रनगरमा डिभिजन वन कार्यालय कञ्चनपुरले आयोजना गरेको स्थानीय मुद्दा र वन, बन्यजन्तु सरक्षण विषयक छलफल कार्यक्रममा दुवै देशका वन अधिकारी, संरक्षणकर्मी एव सुुरक्षाकर्मीले वन र वन्यजन्तु बिरुद्धमा हुने अपराध न्यूनिकरण गर्ने प्रतिबद्धता जाहेर गरेका छन ।
वन अधिकारी, संरक्षणकर्मी एव सुरक्षाकर्मीले सीमा क्षेत्रमा रहेको वन, बन्यजन्तुको सरक्षणका लागि एक आपसमा समन्वय गरेर आ–आफ्नो तर्फबाट पहल गर्ने प्रतिबद्धता जाहेर गरेका हुन ।
वन र बन्यजन्तु तस्कर समुहले नेपाल भारत दुवैतर्फ संरक्षणमा चुनौती थपिदिएपछि त्यसको निराकरणका लागि आ–आफ्नो ठाँउबाट सबैले पहल गर्नुपर्नेमा जोडसमेत दिएका छन । काठ, बन्यजन्तु र जटिबुटी तस्करले नेपाल भारत सीमावर्ती क्षेत्रका वन र बन्यजन्तु सरक्षणमा चुनौती थपिदिएको भन्दै सरक्षण अपरिहार्य रहेको औल्याएका छन ।
मुलुक संघीयतामा गएसंगै तत्तकालिन जिल्ला वन कार्यालय अहिले डिभिजन वनमा परिणत भएको छ । उक्त डिभिजन वन प्रदेश सरकार मातहत रहेपछि पहिलो पटक डिभिजन वनले नेपाल भारतका वन अधिकारीविच सीमा क्षेत्रको वन र बन्यजन्तु सरक्षणका लागि संयुक्त छलफल आयोजना गरेको हो ।
डिभिजन वन कार्यालय कञ्चनपुरका प्रमुख शम्भु प्रशाद तिवारीले जिल्ला भारतसंग जोडिएको बन अपराध न्यूनिकरणका साथै वन, बन्यजन्तुको संरक्षणका लागि संयुक्त प्रयास अपरिहार्य रहेको बताए ।
वच वन र बन्यजन्तु सरक्षणका साथै वन अपराध न्यूनिकरणका लागि संयुक्त प्रयास आवश्यक रहेको उनले बताए । उत्तराखण्ड हल्द्धानीकी उपवनअधिकारी ममता चन्दले वन र बन्यजन्तु सरक्षणका दुवै देशका वन अधिकारी, संरक्षणकर्मी एव सुरक्षाकर्मीविच आपसी समन्वय सुुचना आदान प्रदान आवश्यक रहेको बताईन ।
सीमा क्षेत्रमा वन अपराध गर्ने जो कोहीलाई पनि कानुनी दायरामा ल्याउनुपर्ने बताईन । शुक्लाफाँटा राष्ट्रिय निकुञ्जका प्रमुख संरक्षण अधिकृत किशोर मेहताले बन्यजन्तुका लागि कुनै सीमा नहुने भएकाले दुवै देशका सरक्षणकर्मीले संरक्षणमा गम्भिर हुनुपर्ने बताए ।
भारतीय वनजिव संस्थान देहरादुनका अधिकारी अजय चौहान समेत बन्यजन्तुको बासस्थान जहाँ सुरक्षित हुन्छ, त्यही जाने र उक्त बन्यजन्तुले गतिबिधी गर्दा चुनौतीमा पर्ने भएकाले सरक्षण आवश्यक रहेको बताए ।
सशस्त्र प्रहरी बल ३५ नम्बर गण कञ्चनपुरका प्रमुख एसपी प्रेम बहादुर रावलले सीमा क्षेत्रमा हुने वन र बन्यजन्तु अपराधका गतिबिधी पूर्ण निषेध पारिने बताए । चुरे संञ्जाल कञ्चनपुरका अध्यक्ष रविन्द्र कुँवरले नेपालबाट भारत जाने जटिबुटी रोक्नुपर्ने र त्यसका लागि भारतीय वन विभाग समेत सकृय आवश्यक रहेको बताए ।
शुक्लाफाँटा राष्ट्रिय निकुञ्ज मध्यवर्ती क्षेत्र व्यवस्थापन समितिका अध्यक्ष लव विष्टले सीमा क्षेत्रमा हुने वन र बन्यजन्तु अपराध रोकथामका लागि अधिकारी, समुदायविच समन्वय सुचना आदान प्रदान आवश्यक रहेको बताए ।
डिभिजन वन कार्यालय कञ्चनपुरका सुचना अधिकारी शिवराज अवस्थीले छलफलपछि दुवै देशका वन अधिकारीविच वन, बन्यजन्तुको सरक्षणका लागि आगामी दिनमा थप समन्वयकारी ढङगबाट अघि बढ्ने सहमती भएको छ ।
रेन्जर देवेन्द्र चन्दले संचालन गरेको कार्यक्रममा स्वागत मन्तव्य सहायक वन अधिकृत अमर सिह धामीले गरेका थिए । कार्यक्रममा नेपाल भारतका वन अधिकारी, संरक्षणकर्मी, सुरक्षाकर्मीको उपस्थिति रहेको थियो ।
Discussion about this post