कञ्चनपुर प्रशासनद्वारा राहदानीका लागि भोलि आइतबार बिहान ८ बजे देखि साझ ६ बजे सम्म सेवा प्रवाह गर्ने

कञ्चनपुर,
कञ्चनपुर जिल्ला प्रशासन कार्यालयले भोलि आईतबार देखि राहदानी बनाउनका लागि बिहान ८ बजेदेखी साझ ६ बजे सम्म सेवा दिने भएको छ ।

प्रशासन कार्यालयले एक विज्ञप्ति जारी गर्दै यस्तो कुरा उल्लेख गरेको छ ।
जिल्ला प्रशासन कार्यालय कञ्चनपुरमा राहदानी सेवा लिन आउने सेवाग्राहीहरुको अत्याधिक भिडभाडलाई मध्यनजर गरी राहदानी सेवा छिटो छरितो एवम् प्रभावकारी रुपमा उपलब्ध गराउन मिति २०८०/०३/२४ गते देखि राहदानी सेवा सार्वजनिक विदाका दिन बाहेक देहाय बमोजिम प्रवाह हुने व्यहोरा सम्बन्धित सबैको जानकारीको लागि अनुरोध छ ।
देहायः
१. प्रत्येक आइतबार देखि बिहिबार सम्मः विहान ८:०० बजे देखि बेलुकी ६:०० बजे सम्म । २. प्रत्येक शुक्रबार विहान ८:०० बजे देखि अपरान्ह ४:०० बजे सम्म ।
साथै राहदानीको लागि आवेदन फर्म (Online Form ) भर्न नजान्ने महानुभावहरुको लागि राहदानी शाखासँगैको झ्याल नम्बर १०१ (क) बाट निःशुल्क रुपमा online Pre-enrollment गरिदिने व्यवस्था मिलाइएको समेत सम्बन्धित सबैलाई जानकारी गराइन्छ ।