दोधाराचाँदनीमा सशस्त्र प्रहरी र स्थानीयविच लफडा खडक रावल

कञ्चनपुर,
कञ्चनपुरको सीमावर्ती गाँउ दोधाराचाँदनीमा सशस्त्र प्रहरी र स्थानीयविच लफडा मच्चिएको छ ।

सोमबार दिउँसोदेखि दोधाराचाँदनीमा सशस्त्र प्रहरी र स्थानीयविच लफडा मच्चिएको हो । भारतबाट समान ल्याएर घर आएका दोधाराचाँदनी नगरपालिका २ चाँदनीका सुन्दर साउदलाई पक्राउ गर्नका लागि सशस्त्र प्रहरी घरमै पुगेर धरकपट गरेको भन्दै स्थानीयले सशस्त्र प्रहरी बिरुद्धमा आन्दोलन गरिरहेका छन ।

घरसायी प्रयोजनका लागि ल्याएको समानमा पिछा गरेर घरभित्रै पुगेर समान पक्राउदेखि मानिसमाथि धरकपट गर्न खोजेको भन्दै साउद घरपरिवार सहित स्थानीयले पक्राउ गर्न आएका सशस्त्र प्रहरीलाई धपाएका थिए । साउदले ल्याएको समान बरामद गर्न आएका सशस्त्र प्रहरीमाथि स्थानीय खटिएपछि उनीहरु मोटरसाईकल छाडेर भागेको स्थानीय बताउँछन ।

भारतबाट समान ल्याएका स्वयम सुन्दर साउदले सशस्त्र प्रहरीले हद नाघेर घरभित्रै पसेर ज्यादती गरेको आरोप लगाए । उनले भारतबाट सीमादेखि समान ल्याउन दिने अनि घरसम्म पुगेर घरबाटै समान बरामद गर्न खोजिएको भन्दै आक्र्रोस व्यक्त गरेका छन ।

स्थानीयले सशस्त्र प्रहरी बिरुद्धमा नाराबाजी गरिरहेका छन । विगतमा लाईन खाएर समान ल्याउन लिएर सशस्त्र प्रहरीले राजस्व चुहावट गर्न भूमिका निर्वाह गरेको भन्दै उनीहरुले आरोप लगाईएका थिए ।

विगतमा ठुला तस्कर एव भारतबाट समान ल्याउने व्यवसायीसंग गैर कानुनी रुपमा रकम अशुलेर समान ल्याउन दिने अहिले समात्ने भन्दै सशस्त्र प्रहरी बिरुद्धमा नाराबाजी गरेका छन ।

सशस्त्र प्रहरी बलले दोधाराचाँदनी सीमावर्ती क्षेत्रमा चोरी तस्करीदेखि लागु औषध नियन्त्रणका लागि अभियान संचालन गर्दै आएको र सशस्त्र प्रहरीले उक्त साउदले भारतबाट ल्याएको समान बरामद गर्नका लागि पछि जाँदै गर्दा एक मोडसम्म पुगेको र घर नगएको दावि गरेको छ ।

सीमावर्ती गाँउ दोधाराचाँदनी तस्करी हुने क्षेत्र हो । विगतमा सेटिङ्गमा तस्करी हुँदै आएका थियो । अहिले सशस्त्र प्रहरी र नेपाल प्रहरीले भारतबाट भन्सार नकाटेका समानमा कडाई गर्दै आएका छन ।