प्रकाश भट्ट/कञ्चनपुर – वेदकोट नगरपालिकामा फुटबल खेलमा आवद्ध खेलाडीको आत्मबल बढाउन खेलकुद सामग्री वितरण गरिएको छ ।
वेदकोट नगरपालिका–९ वडा कार्यालयले वुधबार वडा भित्रका युवा खेलाडीहरुलाई खेलकुदका सामग्री वितरण गरेको हो । वडा कार्यालयले पचास हजार रुपैयाँ बराबरको १० वटा फुटबल, १८ थान जर्षी, ४ वटा कोन, १५ वटा मार्कर, ४ थान झण्डा र एक जोडी ग्लभ्स वडा भित्रका युवा खेलाडीहरुलाई हस्तान्तरण गरेको वडा नम्बर ९ का वडा अध्यक्ष जनक विष्टले बताउनुभयो।
खेल सामग्री वितरण कार्यक्रमलाई सम्बोधन गर्दै वडा अध्यक्ष विष्टले खेलकुदको माध्यमबाट मानिस स्वस्थ रहनुको साथै राष्ट्रको लागि पनि महत्वपुर्ण योगदान दिनसक्ने भएकोले यसको विकासको लागी आफ्नो सहयोग रहने बताउनुभयो ।
उक्त खेल सामग्री वितरण कार्यक्रममा वेदकोट नगरपालिका कार्यपालिका सदस्य एवम् वडाका अन्य सदस्यहरूको उपस्थिति रहेको थियो । वडा कार्यालय सुन्दरपुरले विगतका दिनहरू देखी नै वडामा रहेका खेलाडीहरूलाई प्रोत्साहन दिने कार्यक्रमहरू गर्दै आइरहेको छ।
Discussion about this post