बेलडाँडीका जनता भन्छन् : उपाध्यक्ष ज्यू फिल्मीशैलीमा बनाएको भिडियोका कुरा कहिले कार्यान्वयन हुन्छन् ?

515
VIEWS

बेलडाँडी । बेलडाँडी गाउँपालिका अनुगमन समितिकी संयोजक शान्ति नाथको नेतृत्वमा झण्डै ३ महिना अघि फिल्मीशैलीमा गरिएको बजार अनुगमनले अहिले सम्म सार्थकता नपाएपछि स्थानीयहरुले प्रश्न उठाउन थालेका छन् ।

 

कैलाली बाट १ जना पत्रकार बोलाएर बेलडाँडीका दुई मुख्य बजार लगायतका पसलहरूमा गरिएको अनुगमनले सार्थकता नपाएपछि उपभोक्ता चिन्तित बनेका छन् । उपाध्यक्ष नाथले फिल्मीशैलीमा ब्यवसायीको पसल पसलमा गएर आइन्दा भन्दै चेतावनी दिदै पसलबाटै अन्तर्वार्ता दिएकी थिईन ।

उनले भनेका थिए मदिरा बेच्ने समय तोकिएको छ सो अनुसार मदिरा बेच्नु होला, व्यवसाय दर्ता गरेर व्यवसाय गर्नु होला, आफुले अहिले सम्म ३ पटक अनुगमन गरिसकेको र नास्ता जस्ता खानेकुरामा रंग नहाल्न आग्रह गरेको बताउदै अन्तिम पटक कार्वाहीको दायरामा आउने बताएका थिए । तर अहिले सम्म उनले भिडियोमा बोलेका कुरा कार्यान्वयन नुहदा स्थानीयन उपभोक्ता हैरान भएका छन् ।

उपाध्यक्ष नाथले पहिलो चरणकै अनुगमन गर्ने बेला सढेको माछा बेचेको भन्दै माछा खाडलमा पुरिदिएका थिए । त्यसपछि पनि अहिले सम्म सिमा क्षेत्रका कटिङ सेन्टरहरुमा फर्मालियन प्रयोग भएका माछा विक्रि हुन रोकिएका छैनन् । अनुगमन गर्ने निकाय लाचार भइदिदा स्थानीयहरु त्रसित बन्दै गएका छन् । बेलडाँडी गाउँपालिका तराइका जिल्लाहरु मध्ये सबै भन्दा सानो गाउँपालिका हो । ३० हजारको हाराहारीमा यहाँको जनसंख्या छ ।

पछिल्लो समयमा यहाँ भारतिय सिमाबाट मरेका कुखुराहरु आउने गरेको स्थानीय बताउछन् । तस्करहरुले विना टाउका भएका कुखुराहरु नेपाल भित्र्याउने कार्य भएको बताउछन् । मानव स्वास्थ्यलाई खतरा पुग्ने प्रतिवन्धित समानहरु बेलडाँडी भित्रिदा समेत अनुगमन समितिकी संयोजक चुइक्क नबोल्दा उनी माथी समेत स्थानीयले संका गर्न थालेका छन् ।

 

उपाध्यक्ष नाथले भने “अस्तव्यस्तताका कारण अर्को चरणको अनुगमन गर्न नसकिएको जनाएकी छिन् । अहिले हामीहरू डुवान क्षेत्रमा ढल निकास कार्यमा बिहान ७ बजे देखि दिन भर लागेका छाैं,” प्रदेश तिर पनि योजना माग गर्नेकार्यले व्यस्त भएका थियाैं भोलि नै यस विषयमा समितिको बैठक बोलाएर छलफल गर्ने बताउनु भयो ।

 

स्थानीयबासीका अनुसार जनताले आफ्ना प्रतिनिधी चुन्ने बेला योग्यतावानलाई नचुनिदिदा अनुगमन लगायत बेलडाँडीको विकासमा यस्तो समस्या देखिन थालेको जनाए । केहि दिन पहिला मात्र अनुगमन समितिकी संयोजक समेत रहेकी उपाध्यक्ष नाथले आफ्नो नाममा विद्यालयबाट ३ लाखको चेक काट्न लगाएको, पालिकाबाट विद्यालयको खातामा ५० लाख ६३ हजार रकम हाल्न लगाएको विषयले चर्चा लिएको थियो ।

अनुगमन गर्दा उनले बोलेका कुरा यस्ता थिए भिडियो सहित भण्डाफोरबाट साभार गरिएको

Discussion about this post

सम्बन्धित समाचार

Related Posts

लोकप्रिय समाचार