बेलडाँडीमा उच्च जोखिमका घरधुरीहरुलाई ३ दिने बाख्रा पालन तालिम

293
VIEWS

बेलडाँडी/ २८ साउन । बेलडाँडी गाउँपालिकामा उच्च जोखिमका घरधुरीहरुलाई ३ दिने बाख्रा पालन तालिम दिइएको छ । अक्सफाम र निड्स नेपालको साझेदारीमा बाढी तथा डुवानको उच्च जोखिममा रहेका ३० परिवारलाई ३ दिने बाख्रा पालन तालिम दिइएको निड्स नेपाल बेलडाँडी सहजकर्ता जानकी शाहीले जानकारी गराउनु भयो ।

उहाँका अनुसार विपद पूर्व तयारीद्धुत प्रतिकार्य तथा पुनर्लागका लागि समुदायको सवलिकरण परियोजना अन्तर्गत बेलडाँडीमा उच्च जोखिमका घरधुरीहरुलाई बाख्रा पालन तालिम दिइएको बताए ।

शुक्रवार देखि रौलेश्वर आर्दश बहुमुखी क्याम्पसको सभा हलमा दिइएको तालिममा ३० जना सहभागि रहेका थिए । ३ दिने तालिमको सहजिकरण प्रशिक्षक कविराज कठायत र बेलडाँडी पशु साखा प्रमुख सिद्धराज भट्टले गरेका थिए ।


प्रशिक्षक भट्टका अनुसार तालिममा बाख्राको उन्नत जात, बाख्रामा लाग्ने रोगहरु बारे जानकारी लगायत जोखिम न्यूनीकरणको लागि पशुपंक्षीको विमा लगायतको विषयमा तालिम दिनुका साथै खोर मर्मत बारे समेत जानकारी दिइएको बताए ।

यस्तै तालिमको समापन गर्दै बेलडाँडी गाउँपालिका वडा नं.५ का अध्यक्ष इन्द्र बहादुर खडकाले गरिबी हटाउन र जीवनस्तर माथी उठाउन बाख्रा पालनले महत्वपूर्ण भुमिका खेल्ने बताए । आफ्नो उद्देश्य व्यवसायीक रुपमै बाख्रा पालन गर्ने किसान उत्पादन गर्ने भएको बताउँदै उनले तालिममा सिकेको सिप प्रयोग गरेर नमुना व्यवसायी बन्न आग्रह गरेका थिए ।

तालिमपश्चात धेरै कुराहरु सिकेको बताउँदै तालिममा सहभागी रमेश नेपालीले अव आफुहरु धेरै क्षेत्रमा हात हाल्नु भन्दा पनि बाख्रापालनलाइ नै विशेष जोड दिएर आयआर्जनको बाटोमा लाग्ने धारणा राखेका थिए ।

समापन कार्यक्रममा वडा अध्यक्ष इन्द्र बहादुर खडका, निड्स नेपालका ईश्वर उपाध्याय, बेलडाँडी पुश शाखाका प्रमुख सिद्धराज भट्ट, पत्रकार लगाएतको सहभागीता थियो ।

Discussion about this post

सम्बन्धित समाचार

Related Posts

लोकप्रिय समाचार