भीमदत्त ७ का वडाअध्यक्ष चन्दद्धारा ग्रामीण क्षेत्रको खेलकुद विकासका लागि बेलडाँडीको एक क्लबलाई खेलकुद सामग्री सहयोग

बेलडाँडी, ३० साउन । भीमदत्त ७ का वडाअध्यक्ष गणेश चन्दले ग्रामीण क्षेत्रका खेलाडीको विकासका निम्ति बेलडाँडीको सिंहपाल युवा क्लबलाई खेलकुद सामग्री सहयोग गरेका छन् ।

बेलडाँडी गाउँपालिका वडा नं.२ मा रहेको सिंहपाल युवा क्लबलाई भीमदत्त नगरपालिका वडा नं.७ का वडाध्यक्ष चन्दद्धारा खेलकुद सामग्री सहयोग गरिएको हो । ग्रामीण क्षेत्रका खेलाडीहरुको खेलकुदमा लगाम बनोस भन्ने उदेश्यका साथ क्लबलाई जर्सी सहयोग गरिएको क्लबका पुर्व खेलाडी गजेन्द्र थापाले जानकारी गराउनु भयो । क्लबलाई अध्यक्ष चन्दले १२ पिस खेलकुद जर्सी सहयोग गरेको र अन्य सामग्री समेत सहयोग गर्ने आसवासन दिएको थापाले बताउनु भयो ।

वडाध्यक्ष चन्द पुर्व खेलाडी, भारतोलनका ए ग्रेटका रेर्फी तथा कञ्चनपुर खेलकुद महासंघ अध्यक्ष समेत रहेका उनलाई क्लबका खेलाडीहरुले धन्यवाद ब्यक्त गर्दै आगामी दिनमा समेत सहयोको अपेक्षा गरेका छन् ।

अन्य पालिकाका वडाध्यक्षहरुले आफ्नो पालिकाका क्लबलाई यस्तो सहयोग गर्दा यहाँका अध्यक्षहरु प्रति स्थानीय खेलाडीहरुले प्रश्न उठाउन थालेका छन् ।

युवाहरुलाई कुलत बाट बचाउन पनि खेलकुदमा लगानी हुनुपर्ने उनीहरुको भनाई छ । यस्तो खेलकुदमा लगानी गर्नुपर्छ भन्ने यहाँका जनप्रतिनिधीहरुमा ज्ञान नभएका कारण तुरुन्त यहाँ खेलकुद समिति गठन हुनुपर्नेमा युवाहरुले जोड दिदै आएका छन् ।

बेलडाँडीमा अहिले सम्म खेलकुद समिति पुर्णरुपमा गठन हुन सकेको छैन् । जिल्ला खेलकुद विकास समितिले नियुक्त गरेका अध्यक्ष ठगुन्नाले पदभार गरेको केहि समयमै राजिनामा दिएपछि बेलडाँडी खेलकुद समितिले पुर्णता पाएको छैन् । गाउँपालिले तुरुन्त खेलकुद समितिलाई पुर्णता दिने जनाउदै आएको छ ।