पिडितको घाउमा मलम लगाउन कांग्रेस क्षेत्रीय सभापति उपाध्याय पुगेपछि..

बेलौरी, ६ भाद्र । कञ्चनपुर क्षेत्र नं.१ नेपाली कांग्रेसका क्षेत्रीय सभापति गोपी प्रसाद उपाध्यायले १२ बर्ष देखि राज्यले वेवास्था गरेका प्यारालाइसिस विरामीलाई भेटेर केहि मलम लगाउने कार्य गरेका छन् ।

पीडितको पीडामा मलम लगाउन जुटेका युवा नेता उपाध्यायले आफ्नो फेसबुकमा बेलौरी नगरपालिका वडा नं.६ सिसमघाडीका प्यारालाइसिस पिडित कान्छा चौधरीको घरमै पुगेर उनको अवस्थाको बारेमा बुझदै मलम लगाउने प्रयत्न गरेका छन् ।

पिडित चौधरीले सरकार छ भन्ने अनुभुति गर्न नपाएपछि सभापति उपाध्याय आफै पछिल्लो समयमा समुदायमा लुकेर रहेका यस्ता पिडितहरुलाई खोज्दै राज्यबाट पाउनु पर्ने सेवासुविधाका बारेमा जानकारी दिदै उनीहरुको न्यायका लागि आवाज उठाइ राख्नु भएको छ ।

उनले आफ्नो फेसबुकमा पिडित चौधरीको दर्दनाक खतलाग्दो भिडियो सार्वजनिक गर्दै यस्तो लेखेका छन् । बेलौरी नगरपालिका वाड न ६ सिसम घाडी,नगरपालिका कार्यालय बाट मात्र ४–५ सय मिटर दुरिमा रहेको कान्छा चौधरी अहिले सम्म राज्यको आखाले नदेखेको मान्छे आज म उहाँकै घरमा गएर समस्या बुझ्ने कोसिस गरेको छु ।

मैले कान्छा चौधरी भाइ सित कुरा गर्दा उहाको पिडाले मेरो हिर्दय निकै रोएको छ, आवश्यक सहयोगको लागि राज्यको ध्यानाकर्षण गराउन चाहन्छु भन्दै स्टाटस राखेका छन् ।