बेलडाँडी, २९ भदौँ । गैडाको आक्रमणमा परी कञ्चनपुरको बेलडाँडीकी एक महिलाको मृत्यु भएको छ । शुक्रबार बिहान ८:३० बजे गैडाको आक्रमणमा परी बेलडाँडी गाँउपालिका-२ क्याम्प गाैडीकी मोेती कुमारी रावत (बेलमती)को मृत्यु भएको हो ।
शुक्लाफाँटा राष्ट्रिय निकुञ्ज क्षेत्रबाट कालिकिच छेउमै आएको गैडाको आक्रमणमा परी ५९ बर्षिया बेलमतीको मृत्यु भएको प्रहरीले जनाएको छ । बिहानै घर नजिक जंगलछेउ गएकी उनलाई गैंडाले आक्रकण गरेको थियो ।
जिल्ला प्रहरी कार्यालय कञ्चनपुरका प्रवक्ता प्रकास डाँगीले जंगल छेउमै घर भएकी बेलमती तरकारीका लागि च्याउ टिप्प जंगल गएकी बताए ।
गैडाको आक्रमणमा परेर उनको घटना स्थलमै मृत्यु भएको प्रवक्ता डाँगीले बताए । प्रहरी मुचुल्का अनुसार भीम बहादुर थापाको जमिन देखि ३ सय मिटर उत्तर जंगलमा घटना घटेको जनाईएको छ ।
बेलमती संगै रहेका अन्य महिलाले भागेर ज्यान जोगाएका थिए ।
Discussion about this post