कञ्चनपुर । नेकपा एमाले कञ्चनपुरले जनकराज अवस्थीलाई प्रचार विभाग प्रमुख बनाएको छ । एमाले कञ्चनपुरको बिहीबार बसेको पूर्ण जिल्ला कमिटी बैठकले जिल्ला उपाध्यक्ष समेत रहेका अवस्थीलाई प्रचार प्रशार विभागको जिम्मेवारी दिएको हो ।
अवस्थी एमाले कञ्चनपुरको नवौ जिल्ला अधिवेशनबाट सर्वसम्मत उपाध्यक्ष भएका थिए । विद्यार्थी, पत्रकार हुदै एमाले राजनीतिमा होमिएका अवस्थीको पार्टीले मुल्यांकन गर्दै उपाध्यक्षको जिम्मेवारी दिइएको हो ।
नवौ अधिवेशनबाट निर्वाचित जिल्ला कमिटीको बिहीबार पहिलो पूर्ण बैठक बसेको हो । बैठकमा पदाधिकारी र सदस्यहरुको कार्य विभाजन गरिएको थियो । बैठकबाट ८ सदस्य पछि थप्ने गरी जिल्ला सचिवालय गठन गरिएको छ । एमाले जिल्ला अध्यक्ष लक्ष्मी बुढाको अध्यक्षतामा बैठक बसेको थियो ।
बैठकमा एमाले पोलिटब्युरो सदस्य एबम् कञ्चनपुर इन्चार्ज नारदमुनि राना, पोलिटब्युरो सदस्य राजेन्द्र सिह रावल, केन्द्रीय सदस्यहरु नर बहादुर धामी, कृपाराम राना, एमाले सुदूरपश्चिम प्रदेश कमिटी उप सचिव नर बहादुर विश्वकर्मा लगायतका नेताहरु सहभागी भएका थिए ।
Discussion about this post