बेलडाँडी/२० असोज । बेलडाँडीमा चलिरहेको ‘बेलडाँडी सुपर डान्सर’ प्रतियोगिताको आज सनिवार टप टुवेल छनौट भएको छ । नृत्यप्रेमी युवा तथा बालबालिकाप्रति लक्षित गरी ‘बेलडाँडी सुपर डान्सर’ आयोजना भएको हो ।
विभिन्न मनोरञ्जनात्मक कार्यक्रम उत्पादन, बजारीकरण र प्रसारण गर्दै आएको न्यु आराधना कला मन्दिरले बालबालिका तथा युवाको प्रतिभा प्रदर्शन गराउने लक्ष्य राखेर प्रतियोगिता गरेको थियो ।
बेलडाँडी पुरै लगायत बेलौरीका ८,९ र १० वडाबाट समेत प्रतियोगि सहभागि भएका थिए । आज २२ जना मध्ये टप टुबेलमा झारेको कार्यक्रमका संचालनक आर के कमल टामटाले जानकारी गराउनु भयो ।
बेलडाँडी २ खप्रेश्वर मन्दिरको हलमा प्रत्येक सनिवार छनौट प्रतियोगिता चल्ने गरेको छ । आजको कार्यक्रमको प्रमुख अतिथि मालिकार्जुन हाडवेयरका संचालक तेज सिंह धामी रहेका थिए । विशिष्ट अतिथिमा बर्मा एसएनडीका संचालनक सन्तोष सुनार रहेका थिए । धामीले कला संस्कृतिको जर्गेना गर्नुपर्नेमा जोड दिए ।
३ जना विशेष प्रशिक्षक सुपर गुरुहरुले प्रतिभालाई छनौट गर्दै आएका छन् । आर के कमल टमटा, पुुनम चन्द साउद र भुपेन्द्र रानाले जज गर्दै आएका छन् ।
Discussion about this post