धनगढी स्थित फाप्ला खेलमैदानमा संचालित प्रथम वडाध्यक्ष कप अन्तरविद्यालय फुटबल प्रतियोगितामा पुनर्वासको सरस्वती मावि क्वाटर फाइनल प्रवेश

लाल बहादुर एस के,पुनर्वास, २१ असोज । धनगढी स्थित फाप्ला खेलमैदानमा संचालित प्रथम वडाध्यक्ष कप अन्तरविद्यालय फुटबल प्रतियोगितामा पुनर्वासको सरस्वती मावि क्वाटर फाइनल प्रवेश गरेको छ ।

बिहिवार देखि धनगढी ३ मा जारी अन्तरविद्यालय फुटबल प्रतियोगितामा पुनर्वासको सरस्वती मावि क्वाटर फाइनल प्रवेश गरेको हो ।

ग्रिन युथ क्लब धनगढी-३ को आयोजना र वडा नं ३ को सहयोगमा अन्तरविद्यालय फुटवल प्रतियोगिता आयोजना गरिएको थियो । १८ टिम सहभागी भएको खेलमा प्रथम पुरस्कार २० हजार र ट्रफि, दोस्रो १० हजार र तेस्रो ५ हजार पुरस्कार रहेको आयोजकले जनाएको छ ।

अहिले क्वाटर फाइनलको खेल सरस्वती मावि र धनगढी मावि बिच हुने तयारी भएको छ ।
पछिल्लो समयमा पुनर्वासको सरस्वती माविले विभिन्न विद्यामा विभिन्न समयमा प्रथम हुँदै आएको सरस्वती माध्यमिक विद्यालयका शिक्षक खेल संयोजक जय बहादुर चन्दले जनकारी गराउनु भयो ।