बेलडाँडी, १३ कार्तिक । बेलडाँडी गाउँपालिका कार्यालयद्धारा वडा नं.१ मा रहेको सत्यदेवी मन्दिरमा कुर्सी लगायतका सामग्री सहयो गरेको छ ।
लामो समय देखि सत्यदेवी माताको रुपमा हेराउदै आएकी बेलडाँडी वडा नं.१ की उज्वली कुवरले स्थानीयलाई माताको शक्तिका बारेमा जनविश्वास दिलाएपछि बेलडाँडी १ का समाजसेवी दिर्घ बहादुर सिंह, रण बहादुर सिंह, भुपेन्द्र शाह, पदम बहादुर शाह, कलक शाह र लोकेन्द्र बलायर लगायतको पहलमा उक्त सत्यदेवी मन्दिरमा कुर्सी, कार्पेट र पिफम लगायतका सामग्री पालिकाबाट हस्तान्त्रण गरिएको पालिका अध्यक्षका स्वकीय सचिव कुलैराज उपाध्यायले जानकारी गराउनु भयो ।
उहाँका अनुसार ती महिलाले धेरै लामो समय देखि देवीको रुपमा हेराउदै आएकी थिइन । धेरैको जीवन संग मेल खाएपछि उनी प्रति जनविश्वास बढेकाले हेराउ आउनेको संख्या बढ्न थालेको छ । त्यहाँ आउनेलाई बस्ने समेत समस्या देखा परेकाले पालिकाले कुर्सी लगायतका सामग्री सहयोग गरेको सचिव उपाध्यायले बताए ।
Discussion about this post