कञ्चनपुर, चैत्र २५ । कञ्चनपुरको भीमदत्त नगरपालिका गड्डाचौकीमा दोस्रो मेयर क्रिकेट प्रतियोगिता शुरु भएको छ । भीमदत्त नगरपालिका ११ नम्बर वडा कार्यालयको आयोजनामा आइतबारदेखि दोस्रो मेयर क्रिकेट प्रतियोगिता शुरु भएको हो ।
गड्डाचौकीको सिद्धनाथ अमर माध्यामिक विद्यालयको प्राङगणमा संचालन भएको दोस्रो मेयर कप डे–नाईट क्रिकेट प्रतियोगिताको भीमदत्त नगरका मेयर पदम बोगटीले उद्घाटन गरेका छन । प्रतियोगिता उद्घाटन गर्दै मेयर बोगटीले क्रिकेट क्षेत्रको बृद्धि विकासका लागि भीनपा ११ वडाले गरेको कामको प्रसंसा गर्दै पालिकाबाट सक्दो सहयोग गर्ने प्रतिबद्धता जाहेर गरेका छन ।
भीमदत्त नगरपालिका ११का वडाध्यक्ष एव प्रतियोगिताका सरक्षक प्रकास थापाले नगर क्षेत्रको किकेटको बृद्धि विकास, खेलाडी उत्पादन गर्न, गड्डाचौकी क्षेत्रको प्रर्यटन प्रर्बद्धन सहित विवित नगरको सम्बृद्धिका लागि आफुले चुनाव जितेपछी हरेक बर्ष क्रिकेट प्रतियोगिता आयोजना गरेको बताए । वडाध्यक्ष थापाका अनुसार यस पटक विजेतालाई २लाख, ५१ हजार, उपविजेतालाई १लाख २१ हजार नगद सहित ट्रफि, प्रमाण पत्र उत्कृष्ठ खेलाडीलाई विवित पुरस्कार दिईने बताए ।
गत बर्ष अर्थात प्रथम मेयर कप भन्दा पुरस्कार दोब्बर गरिएको छ । प्रथम मेयर कपमा विजेतालाई १लाख, ११ हजार र उपविजेतालाई ५५ हजार प्रदान गरिएको थियो । यस पटक पुरस्कारको राशी समेत दोब्बर बढि बृद्धि गरिएको छ ।
‘हामीले डे नाईट दुवै समयमा खेल संचालन गछौँ, ‘वडाध्यक्ष थापाले भने, ‘खेलाडी पनि उत्साहित भएका छन, स्थानीयको साथ सर्मथन छ ।’ प्रतियोगितामा २४टिमविच प्रतिस्पर्धा हुनेछ । आधुनिक लाईट सहितको व्यवस्थापनका लागि राती र दिउँसो हुने प्रतियोगितामा खेलाडी र दर्शक उत्साहित हुनेछन । वडाध्यक्ष थापाले २४टिम दर्ता भएको बताए ।
Discussion about this post