कल्पना साउद/बेलडाँडी । बेलडाँडी गाउँपालिकामा बुधवार राती एकै गोठमा ३ मारिएका ३ घाइते अवस्थामा बाख्रा फेला परेका छन् । वडा नं.२ को रौलेश्वर टोलमा एकै गोठमा राखिएका ३ बाख्रा मारिएका र ३ बाख्राको आन्द्राभुडी बाहिर निकालिएको अवस्थामा फेला पारिएका छन् ।
बुधबार राती करिब ११ बजेतिर बेलडाँडी गाउँपालिका २ रौलेश्वर टोलमा बस्ने गगी थापाको घरमा कोही नभएको अवस्थामा बाख्रा मारिएका हुन् । घरका पुरै मान्छे छिमेकीको विहेमा गएका बेला यस्तो घटना घटेको घरपरिवारले जनाएको छ ।
बाख्रा धनी गगी थापाका अनुसार,“ घरका सबै सदस्य छिमेकीको बिहेमा गएका गएका बेला यस्तो घटना घट्नु संकास्पद भएको बताईन् । उनले भनिन राति ११ बजेतिर बिहेबाट घर फर्कदा सबै बाख्राहरुको आन्द्राभुँडी निकालेको अवस्थामा भेटिएको बताइन् ।
पिडित थापाले थपिन“ बाख्राहरुलाई कसले मर्यो त्यो थाहाँ भएन यति मेहिनत गरेर लोन लिएर पालेका बाख्रा यसरी मारिदा अव ऋण कसरी तिर्ने भन्ने चिन्तामा परेकी छिन् । गाउँलेहरुका अनुसार गाउँमा केही महिना अगाडि बाघ पसेको हल्ला अनुसार बाघले मारेको हो भन्ने आशङ्का समेत गरेका छन् ।“
बाघले हो या कसैले रिसिविका कारण मारेको हो अनुसन्धान गरि क्षतिपुर्ती उपलब्ध गराइदिन माग अघि सारेका छन् ।
उक्त घटनाले बेलडाँडी बासी त्रसित बनेका छन् ।
Discussion about this post