कञ्चनपुर,
सामुदायिक विद्यालय र बोडिङ्ग स्कुलले चालु शैक्षिक सत्रमा विद्यार्थी भर्नामा नाममा अभिभावकबाट रकम अशुल्नेदेखि चर्को शुल्क लिईरहेको भन्दै कञ्चनपुरका क्रियाशिल विद्यार्थी संगठनले सरकार गुहारेका छन ।
नक्कली शरणार्थी प्रकरण मात्रै होईनकी शिक्षा क्षेत्र कञ्चनपुरमा भईरहेको चरम बेथिति रोक्नुपर्ने माग अघि सारेर जिल्लाका चार विद्यार्थी संगठनल सरकार गुहारेका हुन ।
अखिल क्रान्तिकारी कञ्चनपुरका संयोजक भुवन सिह विष्टले जिल्लामा शैक्षिक क्षेत्रमा चरम बेथिति बढिरहेका बेला चार विद्यार्थी संगठनले सरकारको ध्यानाकर्षण गराएको बताए ।
क्रान्तिकारी कञ्चनपुरका संयोजक विष्टका अनुसार मंगलबार जिल्ला प्रशासन कार्यालयमा ज्ञापन पत्र बुझाईएको छ । नेकपा माओवादी केन्द्र निकट अखिल क्रान्तिकारी सहित नेपाली काँग्रेस निकट नेवि संघ, नेकपा एकीकृत समाजवादी निकट अनेरास्ववियु र नेकपा विप्लव निकट क्रान्तिकारीले प्रशासनमा संयुक्त ज्ञापन पत्र बुझाएका हुन ।
बोडिङ्ग स्कुलले आफु अनुकुल गैर कानुनी रुपमा शुल्क अशुल्ने, पाठ्यपुस्तक परिर्वतन गर्ने, सरकारले निर्धाण गरेको पाठ्यक्रम विकास केन्द्रले निर्धारण गरेका पुस्तक लागु नगर्ने गरेको आरोप लगाईएको छ ।
माध्यामिक शिक्षा निःशुल्क भनिएपनि सामुदायिक विद्यालयले शुल्ःक लिईरहेकोप्रति विद्यार्थी संगठनले आपत्ति जनाएका छन ।
सरकारले ईन्धनको भाडा घटाउँदा समेत यातायात व्यवसायीले विद्यार्थीलाई दिने ४५प्रतिशत छुट भाडा समेत कार्यान्वयन नगरेको भन्दै कार्यान्वयको माग अघि सारेका छन । जिल्लामा अवैधानिक कोचिङ्ग सेन्टर, ट्युसन सेन्टर रहेको भन्दै बन्द गर्न माग अघि सारेका छन ।
विद्यार्थी संगठनको ज्ञापन पत्र बुझ्दै कञ्चनपुरका सहायक प्रमुख जिल्ला अधिकारी धर्मराज जोशीले सम्बन्धीत निकायमा बुझ्ने बताएका थिए ।
नेवि संघ सभापति रमेश चटौत, अखिल क्रान्तिकारी संयोजक भुवन सिह विष्ट, अनेरास्ववियू संयोजक प्रज्वल कुँवर र विप्लव क्रान्तिकारी संयोजक अनिल बहादुर घरडीले संयुक्त रुपमा हस्ताक्षर गरेको विज्ञप्तीमा विद्यार्थी संगठनले शैक्षिक बेथिति बिरुद्धमा उठान गरेका मुद्दा सम्बोधन नभए आन्दोलन गर्ने चेतावनी दिएका छन ।
Discussion about this post