डडेल्धुरा अजयमेरुका एक बालक केही दिन देखि बेपत्ता , खोजिदिन परिवारको अपिल

डडेल्धुरा : डडेल्धुराको अजयमेरु गाउँपालिका ०५ का एक बालक केही दिन यता देखि बेपत्ता भएका छन् ।

अजयमेरू गाउँपालिका वडा नम्बर ०५ स्थित तल्पखा घर भएका करिब १६ वर्षीय तपेन्द्र सार्की असार २९ गते देखि हराएको परिवार श्रोतले बताएको छ ।

उक्त वडामै रहेको देवल दिव्यपुर माविमा कक्षा ७ मा अध्ययनरत सार्की घरबाट स्कूल जाने भनेर निस्किएका थिए, जो पछि घर नै फर्केनन । “ घर बाट स्कूल जान्छु भएर गएको थियो स्कूलनै नगई कता पो बेपत्ता भयो । खोजीकार्यका जिल्ला प्रहरी कार्यालय डडेल्धुरा र प्रहरी चौकी देवल दिब्यपुरमा उजुरी गरेका छौं , पारिवारिक स्रोतले भन्यो ।

बुबा भानी सार्की र आमा मिना सार्कीका छोरा समेत रहेका तपेन्द्र केही दिन यता घर नआएपछि परिवारले खोजिदिनका लागि सबैलाई अपील गरेको छ । उनीहरूले प्रहरी कहा पनि खोजी गरिदिनका लागि उजुरी गरेका छन ।

सामुदायिक विद्यालयको युनिफर्ममै रहेका तपेन्द्रलाई कहीं कतै देखेमा नजिकको प्रहरी चौकीमा अथवा आफूहरुलाई जानकारी गराई दिन परिवारजनले आग्रह गरेका छन ।
भेट्न हुनेले सम्पर्कका लागि :
सम्पर्क नं : ९८६८७५८७२२
वाट्सब न : +९१९०१५२३२९२३