बैठकमा देश र जनताका मुद्दामा पनि छलफल गरीनु र्पछ रमेश लेखक

काठमाडौँ:

नेपाली कांग्रेस केन्द्रीय सदस्य रमेश लेखकले अहिलेको गठबन्धनको स्थायित्वका लागि केन्द्रीय समिति बैठकले दृष्टिकोण बनाउनुपर्ने बताएका छन् । शुक्रबारको बैठकमा बोल्दै उनले राजनीतिक विषयसँग वर्तमान गठबन्धनको विषय जोडिएर आउने भन्दै गठबन्धनको स्थिरताका लागि केन्द्रीय समितिले दृष्टिकोण बनाउनुपर्ने जनाएका छन ।
‘

सभापति शेरबहादुर देउवाको नेतृत्वमा कांग्रेस तीनै तहको सरकारमा छ, संसदमा यो ठूलो उपलब्धि हो,’ उनले भने, ‘सभापतिको नेतृत्वमा गठबन्धन र ठूलो पार्टी बनेको हो । यो गठबन्धन र सरकारलाई कसरी जनतासँग जोड्ने भन्ने दृष्टिकोण बनाउनुपर्छ ।’यस्तै मुलुको आर्थिक अवस्थाबारे बैठकमा छलफल हुनुपर्ने नेता लेखकको भनाइ रहेको थियो ।

‘बैंकमा ८ खर्ब रुपैयाँ त्यतिकै बसिरहेका बेला राज्यसँग पैसा छैन भन्दैछौं । हामी त्यसको उपयोग गर्छौँ कसरी उनको प्रश्न छ, ‘धनी र गरिबको फरक बढ्दो छ । भूगोलको झन बढ्दो छ । बागमती र कोशी प्रदेशको कर्णाली र सुदूरपश्चिम प्रदेशको तुलना गर्दा ज्यादा फरक देखिएको हो ।सुशासन र स्रोतको उचित परिचालन, रोजगारी सिर्जना, पूर्वाधारमा निजी क्षेत्र मा लगानी बढाउन, सरकारी खर्च, विपन्नको संख्या घटाउन र मूल्यवृद्धि घटाउने सवालमा ठोस ढंगले छलफल गरेर जानुपर्ने लेखकले भनाई छ ।पार्टी देश र जनताका लागि निर्माण गरिने भन्दै देश र जनताको मुद्दामा पनि छलफल हुनुपर्ने लेखकले बताए का छन ।

‘त्यसका लागि केही राजनीतिक, आर्थिक र समसामयिक विषयहरु प्रतिवेदनकै रुपमा आए राम्रो हुने उनले बताएका छन । प्रस्ताव नआए पनि निर्णयका ठोस रुपमा आओस् भन्ने निवेदन गर्न चाहान्छु उनले भने ।
केन्द्रीय समिति बैठक पार्टीको आन्तरिक जीवनमा मात्र केन्द्रित भएको भन्दै नागरिकका मुद्दामाथि पनि छलफल हुनुपर्ने उनले जनाएका छन ।‘पार्टीको जीवनमा छलफल हुने कुरा आवश्यक छ । ठीक छ ।

तर हाम्रो बैठकले लाइभ गरेपछि संसारभरीका मान्छेले उत्सुक्ताका साथ हेरिरहेका हुन्छन विदेशमा विभिन्न काम गरिरहेका नागरिकले बैठकको छलफलमा म कहाँनिर छु भनेर खोजिराखेको होला लेखकले भने । बैठकमा पेस भएका प्रतिवेदनहरुलाई कार्यान्वयन गर्न सके कांग्रेस निकै रुपान्तरण हुने पनि उनले बताए का छन ।