कञ्चनपुर, साउन ३१ । क्रान्तिकारी कम्युनिष्ट पार्टी निकट अखिल क्रान्तिकारी सुदूरपश्चिम विश्वविद्यालयको एकता भेला सम्पन्न भएको छ ।
बुधबार अखिल क्रान्तिकारी सुप विश्वविद्यालयको केन्द्रीय क्याम्पस महेन्द्रनगरको हलमा एकता भेला सम्पन्न भएको हो । अखिल क्रान्तिकारी सुदूरपश्चिम प्रदेशका इन्चार्ज सुरेन्द्र धानुकले जिल्ला एकता भेलापछि सुप विश्वविद्यालयमा एकता भेला सम्पन्न गरिएको बताए ।
क्रान्तिकारी प्रदेशका इन्चार्ज धानुकले भेलामा पार्टी र संगठनका नेताहरुले सुप विश्वविद्यालयमा हुने हरेकखाले बेथिति बिरुद्धमा क्रान्तिकारी शसक्त हुनुपर्नेमा जोडदिए ।
एकता भेलाका प्रमुख अतिथि क्रान्तिकारी पाटीका केन्द्रीय सदस्य राम बहादुर महरा(चिन्तक), अखिल क्रान्तिकारी केन्द्रीय सचिवालय तथा सुप प्रदेश इन्चार्ज सुरेन्द्र धानुक, क्रान्तिकारी प्रदेशका अध्यक्ष पुष्कर जोशी सहितका पाटी र क्रान्तिकारी नेताहरुले शिक्षा क्षेत्र सहित सुप विश्वविद्यालयमा चरम बेतिथि भएकाले वैज्ञानिक समाजवादी शिक्षाका लागि संघर्ष गर्नुपर्नेमा जोडदिए ।
एकता भेलाले प्रकास भट्टको संयोजकत्वमा अखिल क्रान्तिकारी सुप विश्वविद्यालय कमिटि विस्तार गरिएको छ । सह संयोजक रविन्दस पन्त, सदस्यहरुमा निर्मलमनि जोशी, दलराम ठकुल्ला, देबेन्द्र कलौनी, प्रकाश साउद, बिपना झा, बिपिन पन्त, सम्झना अबस्थी, कृष्ण महता, भुवन भट्ट, उमेश प्रशाद भट्ट , विकास बुढा रहेका छन ।
Discussion about this post