चिनीमिलको क्यामिकलले पुनर्वासका किसानका सयौँ विगाह धानखेती स्वाँहा

बेलडाँडी ६ भाद्र । कञ्चनपुरको पुनर्वासमा रहेको चिनीमिलबाट निस्कने क्यामिकलका कारण पुनर्वास क्षेत्रको सयौँ विगाह जमिनमा रहेको धानखेती नष्ट भएको छ ।

पुनर्वास नगरपालिका २ दशरथ बस्तीमा रहेको भागेश्वर सुगरमिल एण्ड केमिकल्स ईन्डष्ट्रिज प्रालिको लार्पबाीहका कारण किसानले लगाएको धान खेती सखाप भएको छ ।

उद्योगको लार्पबाहीले पुनर्वास नगरपालिका २, ५, ६ र ७ क्षेत्रका स्थानीय किसानको सिमरीखोला वारीपारी नजिक रहेको खेतको धानखेती नष्ट भएपछि स्थानीय किसान चिन्तित बनेका छन । स्थानीय किसानले उद्योगको लार्पबाहीले गत असारमा लगाए र असोजमा फल्ने धानको जरैदेखि सखाप भएको बताएका छन । दैनिक जिवन चलाउने धानखेतीमै आश्रित किसान साउनमै नष्ट भएपछि नघरकै नघाटकै भएका छन् ।

चिनीमिलले केमिकलयुक्त फोहोरोपानी पहिले देखिनै सिमरी नालामा बगाईदिएपछि धानखेती पूर्ण नष्ट भएको स्थानीयले बताएका छन । ‘चिनिमिलले आफ्नो उद्योगबाट निस्किने फोहोरपानी अब्यवस्थित तरिकाले नालामा बगाईदिएपछि सो पानीले यस्तो समस्या आएको उनीहरु बताउछन् । ‘धान खेतीका साथै मानिसलाई छाला सम्बन्धीत रोग लागिरहेको छ ।’

‘हरेक बर्ष चिनीमिलले उद्योगबाट निस्किएको फोहोरपानी उतिकै छाडिदिन्छ, ‘यसले अन्नबालीदेखि खेतकै उर्बराशक्तिमा ह्रास ल्याईरहेको छ ।’ यस भन्दा पहिला पनि यस खोलामा रहेका माछा भ्यागुता मर्नुका साथै घरपालुवा जनावर समेत उक्त नालाको पानी पिउदा विरामी पर्ने गरेका थिए । ‘यस बारेमा पटक पटक स्थानीय सरकारलाई जानकारी गराउँदा पनि समस्याको कुनै सुनुवाई भएको छैन् ।’

पुनर्वास नगरपालिका ७ का वडाध्यक्ष मुलचन्द्र रानाले उद्योगकै लार्पबाहीले किसान मारमा परेको बताए । ‘पटक पटक गैर कानुनी रुपमा उद्योगको फोहोरपानी नालामा नबगाउन हामीले आग्रह गछौँ, मान्दै मान्दैन, ‘वडाध्यक्ष रानाले भने, ‘अब पालिकाले कानुनी रुपमै एक्सनमा जानुपर्छ ।’