बेलडाँडी, ९ भाद्र । बेलडाँडीका किसान र उपभोक्तालाई लक्षित गर्दै दुग्ध डेरी संचालनमा आएको छ । कञ्चनपुर बेलडाँडी-२, चवन्नी वजारका युवा ब्यवसायी प्रकाश मालीद्धारा किसान र उपभोक्ताको समस्यालाई मध्यनजर गर्दै हिजो शुक्रबार देखि दुग्ध संकलन तथा विक्री केन्द्र संचालनमा ल्याइएको जनाए ।
चवन्नी वजारमा रहेको फर्निचर उद्योगका संचालक समेत रहेका मालीले यहाँका किसानले दुग्ध केन्द्र नभएका करण भोग्नु परेको समस्यामा ध्यान दिदै स्थानीय स्तरमा उत्पादन भएको दुध संकलन गरेर प्रयोग गरिने जनाएका छन । उहाँका अनुसार दुध, दही, पनिर, खोया, ध्यू लगायतका सामग्रीहरु खरिद विक्री गरिने जनाउनु भयो ।
स्थानीय स्तरमा दुध संकलन कार्य संचालनमा आएको भन्दै दुध उत्पादक किसानमा समेत खुसी छाएको छ । यस डेरीले दुध उत्पादन गर्ने किसानमा बृद्धि ल्याउनुका साथै दुध उपभोग गर्नेहरुलाई समेत फाइदा हुने भएको छ ।
Discussion about this post