प्रदेश सदस्य बिष्टको प्रमुख आतिथ्यमा हिजो देखि बेलडाँडीमा कृष्णलिला शुरू

234
VIEWS

बेलडाँडी, १७ भाद्र । कञ्चनपुर जिल्लाको दक्षिणी क्षेत्र बेलडाँडी गाउँपालिकामा हिजो सनिवार देखि कृष्णलिला शुरू भएको छ ।

बेलडाँडी गाउँपालिका वडा नं.३ मा रहेको राधाकृष्ण भुँइया मन्दिरमा कृष्णलिला लागेको हो । हिजो बिहान कलश यात्रा निकाल्दै श्री राधाकृष्ण धार्मिक ज्ञान यज्ञ कृष्णलिला कार्यक्रम शुरू गरिएको स्थानीय युवा समाजसेवी जयराम दहितले जानकारी गराउनु भयो ।

उहाँका अनुसार समाजमा मौलाउन थालेको बिक्रिति, कुसंस्कार, अमानविताको अन्त्य गर्नका लागि यस्तो कार्यक्रम गर्न थालिएको बताए ।

प्रदेश सदस्य दिवान सिंह बिष्टको प्रमुख आतिथ्यमा शुरू गरिको कार्यक्रम २२ गते विधिवत तवरबाट समापन गरिने छ । धर्म संस्कृतिको संरक्षण, प्रबर्द्धनमा आफुले गर्न सकिने सहयोग गर्ने प्रदेश सदस्य तथा कार्यक्रमका प्रमुख अतिथि दिवान सिंह बिष्टको भनाई रहेको थियो ।

नेपाली भाषाका प्रखर कथा वाचक पुज्य श्री अच्युत शरण महाराज ज्यू (धिताल) बाट प्रवचन दिइन थालेको छ ।
कार्यक्रमको तालिका यस्तो रहेको छ-
१. विहान ८ बजेबाट दिउँसो १२ बजेसम्म पुजापाठ पाठपारायण शालिग्राम परिक्रमा । २. दिउँसो १ बजेबाट साँझ ४ बजे सम्म कार्यक्रम प्रबचन तथा कृष्णालिला झाँकी सहित कलाकारहरुद्धारा भजन क्रितन । ३. साँझ ७ः३० बजेबाट राती १०ः३० बजे सम्म विभिन्न भाषाभाषिका भजन क्रितन तथा कृष्णलिला झाकी सहित । कर्यक्रमा गौदान, पितृदान, बाह्रमण भोजन एक दिनको रु २५ सय सहयोग गर्न पाइने । प्रसाद वितरण एक दिनको लागि रु २१ सय सहयोग गर्न पाइने समेत जनाइएको छ ।

Discussion about this post

सम्बन्धित समाचार

Related Posts

लोकप्रिय समाचार