गौंरा पर्वको अवसरमा बेलडाँडीमा १ दिन र बेलौरीमा २ दिन स्थानीय विदा

बेलडाँडी, भाद्र १९ । सुदूरपश्चिमेलीहरुको महान पर्व गौंराको अवसरमा बेलडाँडी गाउँपालिकाले १ दिन र बेलौरी नगरपालिकाले २ दिन स्थानीय विदा दिएको छ ।

आज मंगलवार पालिकाहरुले एक शुभकामना सन्देश एवम् स्थानीय विदा सम्वन्धि सूचना जारी गरेको हो ।

पालिकाहरुले गौरा पर्वको अवसरमा सम्पूर्ण पालिकावासी आमाबुबा, दिदिबहिनी तथा दाजुभाईमा सुख, शान्ति तथा समृद्धिको हार्दिक शुभकामना व्यक्त गर्दै धार्मिक एवं ऐतिहासिक धरोहरका रुपमा रहेका यस्ता लोकपर्व तथा चाडपर्वले मौलिक संस्कृतिको संरक्षणमा थप योगदान गर्दै सबैमा उत्साह एवं उमङ्ग जागृत गर्न सहयोग पुर्याउने विश्वाश लिएको छ ।

साथै पालिकाको पालिका स्तरीय निर्णयानुसार गौरा पर्वको अवसरमा मिति २०८०।५।२१ बेलडाँडीले र २१ र २२ गते बेलौरी नगरपालिकाले स्थानीय बिदा दिईएको छ ।