बेलडाँडी,
बेलडाँडीमा कालिका मन्दिर समितिको आयोजनामा हुनलागेको आज चौथो दिनको तीन वटा खेलमा अलस्टार, युएसबी र सेती समाज विजयी भएका छन् ।
मन्दिर समितिका अनुसार चौथोदिन विहानको पहिलो खेल अलस्टार युवा क्लब बेलडाँडी र वाइबीस्टार विच भएको खेलमा १ का विरुद्ध ३ गोलले अलस्टार युवा क्लब विजयी भएको थियो । दोस्रो खेल युएबी इन्फोटेक महेन्द्रनगर र सिहपाल युवा क्लब सिहपुर विज भएको खेलमा १ गोलका विरुद्ध ५ गोलले युएसबी इन्फोटेक महेन्द्रनगर विजयी भएको छ । यस्तै आजको अन्तिम खेलमा दिपज्योती युवा क्लब गौडी र सेती युवा समाज बेलडाँडी भएको खेलमा निर्धारित समयमा १,१ गोलको बराबरी पछि पलान्टिक सुटआउटमा २ का विरुद्ध ५ गोलले सेती युवा समाज बेलडाँडी विजयी भएको आयोजकले जनाएको छ ।
समितिका सह सचिव ईश्वर बडुवालका अनुसार भोलीको पहिलो खेल विहान ८ बजे प्रगती एकता समाज सिद्धचोक र मल्टिस्टार युवा क्लब बेलडाँडी बिच हुने छ भने दिउसो १ बजे अलस्टार युवा क्लब र आयोजक कालिका मन्दिर समिति विच हुने छ । तेस्रो खेल सिद्धार्थ युवा क्लब झिलमिला र सेती युवा समाज बेलडाँडी बिच हुने जनाइएको छ ।
१६ गते सेमिफाइन खेलखेलाइने छ भने १८ गते फाइनल हुने वहाँले जनाउनु भयो । आयोजकले प्रतियोगितामा १९ टिमको सहभागिता रहेको जनाउदै प्रतियोगितामा विजेता टिमलाई ५१ हजार १ सय रूपयाँ, ट्रफी, मेडल र प्रमाण पत्र र उप–विजेता हुने टिमलाई २५ हजार १ सय रूपयाँ, ट्रफी मेडल र प्रमाण पत्र प्रदान गरिने जनाएको छ ।
यस्तै समितिकै आयोजनमा विगत बषौं देखि कालिका मन्दिरमा आयोजना हुने नबरात्री मेला यस बर्ष समेत भब्यरुपमा लाग्ने जनाइएको छ ।
Discussion about this post