बेलडाँडी,
मंसिर ४ गते हुने निर्वाचनलाई लक्षित गरी बेलडाँडीका एमाले आफ्ना उम्मेदवारलाई जिताउने विषमा एकमत भए संगै संघ हुदै प्रदेशमा चुनाव लड्न आएका नेतालाई अव जनताले मेयरमा लड्न पुर्याउने बताएका छन् ।
नेकपा एमालेका उम्मेदवारहरुलाई विजयी गराउनका लागि बेलडाँडीका एमाले एकढिक्का भएको सन्देश दिदै आफ्नो उम्मेदवारलाई जनताले जिताउनेमा आफुहरु ढुक्क रहेको बताए । अहिलेको परमादेश सरकार जनताको पक्षमा नरहेको जनताले महसुस गरिरहेको जनाउदै स्थानीय सरकारहरुमा समेत यीनीहरुले बेथिति मचाइरहेको प्रति बेलडाँडी एमाले गम्भिर भइ भण्डारफोरमा लाग्ने जनाइएको छ ।
यस्तै नेकपा माओवादी केन्द्रकी उम्मेदवार विना मगरको विरोध गर्नेहरु अहिले विना मगरको दास जस्तै गरी भोट माग्न आउनेलाई जनताले अव सबक सिकाउनु पर्नेमा जोड दिए । आफैलाई खुबै विकास प्रेमी हुँ भन्ने कांग्रेसी नेता अहिले संघमा टिक नपाइसकेपछि अवसर नगुम्न दिने सोचका साथ प्रदेशमा लड्न आएको प्रति अव जनताले अवसरवादीहरुलाई चिन्नुपर्ने एमाले नेताहरुको भनाई छ । उनीहरुका अनुसार अव त्यस्ता नेतालाई जनताले मंसिर ४ पछि मेयर वा वडामा लड्न पठाउने बताएका छन् ।
बेलडाँडीका युवा नेता अक्कल बहादुर बिष्टका अनुसार संघमा तारालामा तामाङ, प्रदेश क मा वीर बहादुर थापा पातल र प्रदेश ख मा पल्लब राज भट्टलाई विजयी गराउनका लागि सबैलाई सुर्यमा मत गर्न आवहान गरेका छन् । उनका अनुसार साथीहरुमा कुनै मतभेद नभएको भन्दै पार्टीलाई बलियो बनाउन हामी सबै पार्टीको निर्देशन अनुसार चल्ने बताएका छन् । काम गर्ने क्रममा समिक्षा गरेर अगाडी बढ्ने र पार्टीले दिएको जिम्मेवारी सबैले वहन गर्न बेलडाँडी एमाले तयार रहेको बताए ।
यस्तै एमाले संग सत्तागठवन्धनका उम्मेदवारको प्रतिस्पर्धा हुने आकल गरिएको छ ।
Discussion about this post