लालझाडी,१४ माघ– लालझाडी गाउँपालिका प्रमुख निर्मल रानाले गाउँपालिकाको कृषिसम्बन्धी समस्याको समाधानका लागि सुदूरपश्चिम प्रदेशका भुमि व्यवस्था कृषि तथा सहकारी मन्त्री बिर बहादुर थापालाई उनकै कार्यकक्षमा गरएर समस्या दर्शाएका छन् । छलफलमा प्रमुख रानाले लालझाडीको समग्र विकास र जंगली जनावरबाट पिडित जनताले भोगिरहेका समस्याका बारेमा छलफल गर्दै राहत उपलब्ध गराउने विषयमा मन्त्रीसँग सुझाव र सहमति गरेका छन् ।
सुदूरपश्चिम सरकारको कार्यविधिमा जंगली जनावरले कृषिमा गरेको हानिनोक्सानीका लागि क्षतिपूर्ति समेटिएको छैन । यस विषयमा प्रमुख रानाले मन्त्री थापासँग छलफल गर्दै अबको क्याविनेट बैठकमा यस मुद्दालाई समेटेर जनताको माग सम्बोधन गर्न आग्रह गरेका छन् । यस मागले लालझाडीका किसानहरूका लागि ठूलो राहतको खाँचो पूरा गर्नेछ भन्ने विश्वास गरिएको छ ।
भुमि व्यवस्था कृषि तथा सहकारी मन्त्री बिर बहादुर थापाले यो कुरा तुरुन्त क्याविनेट बैठकमा उठाउने जनाएका छन् । जनाको समस्या समाधान गर्न आफु कहिले पछि नहट्ने मन्त्री थापाले बचन दिएका छन् ।
पालिका प्रमुख रानाले कृषि क्षेत्रमा सुधार ल्याउन र तटबन्ध निर्माणको योजनामा पूर्वाधार मन्त्रालयसँग समेत समन्वय गर्दै आवश्यक कदमहरू उठाएका छन् । यसले लालझाडीको कृषि क्षेत्रलाई प्रगति गर्ने र प्राकृतिक प्रकोपहरूको असर कम गर्ने अवसर प्रदान गर्नेछ । प्रमुख रानाले स्थानिय सरकारले कृषिको समस्यामा गम्भीरतासाथ काम गर्दै आएको र यस क्षेत्रमा सुधार ल्याउने अठोटका साथ अघि बढिरहेको बताएका छन् ।
लालझाडीको नेतृत्व सम्हालेदेखि प्रमुख रानाले गाउँको समस्यामा गम्भीर र समर्पित काम गर्दै आएका छन् । स्थानीयवासीहरूको अनुसार, उनका प्रयासहरूले जनताको समस्याको समाधानमा ठूलो योगदान पुर्याएका छन् । उनका कदमले स्थानीयहरूलाई सकारात्मक ऊर्जा र आशा दिएको छ ।
यस कार्यसँगै, स्थानीयवासीहरूले प्रमुख रानालाई आफ्नो समर्पण र नेतृत्वका लागि उच्च कदर गर्दै समर्थन जनाएका छन् । यसले भविष्यमा लालझाडीलाई थप समृद्धि र स्थिरतामा पुर्याउने विश्वास जनाउँछ ।
Discussion about this post