बसको ठक्करबाट कञ्चनपुरमा एक विद्यार्थीको मृत्यु, अाफन्तद्वारा पुर्व पश्चिम राजमार्ग अवरुद्ध

कञ्चनपुर,
कञ्चनपुरमा बसको ठक्करबाट एक जना विद्यार्थीको मृत्यु भएको छ।

अाज शुक्रबार बिहान पूर्वपश्चिम महेन्द्र राजमार्ग सुडामा ना ७ ख ६५२१ नम्बरको बसले साइकलमा यात्रा गरिरहेका विद्यार्थीलाई ठक्कर दिदा दुर्घटना भएको थियो ।

ठक्करबाट बेदकोट नगरपालिका-६ का कविराज बैजको मृत्यु भएको जिल्ला प्रहरी कार्यालय कञ्चनपुरले जनाएको छ ।
बस महेन्द्रनगरबाट दार्चुला गइरहेको थियो । दुर्घटनाको कारण खुल्न सकेको छैन। बस चालकलाई प्रहरीले नियन्त्रणमा लिइसकेको छ ।

दुर्घटनामा मृत्यु भएका बैज महेन्द्रनगरस्थित कञ्चन विद्या मन्दिरमा स्नातक तह प्रथम वर्षमा अध्ययन गर्थे।

घटनाको विरोधमा आक्रोशित स्थानीयले अहिले पूर्व-पश्चिम राजमार्ग बन्द गराएका छन्। प्रहरीले अहिले आवागमन सहज बनाउने प्रयास गरिरहेको जनाएको छ।