४वटा नदीमा तटबन्ध निर्माण हुँदै

10
VIEWS

महेन्द्रनगर । जनताको तटबन्ध कार्यक्रमअन्तर्गत कञ्चनपुर र कैलालीका चार नदीमा तटबन्ध निर्माण भइरहेको छ । नदी तथा खोला नियन्त्रणका लागि कञ्चनपुरको महेन्द्रनगरमा स्थापना गरिएको जनताको तटबन्ध फिल्ड ७ नम्बर कार्यालयले यहाँको महाकाली, दोदा, मोहना र कैलालीको खुटिया नदीमा तटबन्ध निर्माणको काम गरिरहेको हो ।

उक्त कार्यालयका प्रमुख श्रीप्रसाद साहले चार वटै नदीको विभिन्न स्थानमा नदी कटान नियन्त्रण गर्ने उद्देश्यले गत भदौदेखि तटबन्ध निर्माण तृर्ब गतिमा भइरहेको जानकारी दिए । उनका अनुसार दोधारा चादँनी नगरपालिकातर्फ महाकाली नदीमा तटबन्ध निर्माण भइरहेको छ । यहाँ करिब दुई किलोमिटर तटबन्ध निर्माणका लागि रु सात करोड ५६ लाखमा ठेक्का सम्झौता भएको थियो ।
भने सो तटबन्ध निर्माण गत असोजदेखि शङ्कर–जोशी जेभीले गरिरहेको र दुई वर्षभित्र गरिसक्ने उक्त कार्यालयले जनाएको छ ।

त्यसैगरी यहाँको सबैभन्दा बढी कटान समस्या रहेको दोदा नदीको तटबन्ध पनि नियमित रूपमा हुँदै आएको छ । दोदा नदीको कटानले सबैभन्दा बढी लालझाडी गाउँपालिकाका नागरिक समस्यामा परेका छन् । उक्त गाउँपालिका–२ र ५ मा एक किलोमिटर तटबन्ध निर्माणाधीन अवस्थामा छ । उक्त तटबन्ध निर्माणका लागि रु तीन करोड १२ लाखमा ठेक्का संझौता गरिएको थियो ।

केही समय बस्ती जोगाउन दोदा नदीको तटीय क्षेत्रमा जैविक तटबन्ध निर्माणमा जुटेका लालझाडी गाउँपालिका–२ का वासिन्दाले अहिले बगरमा मसला रोपेका छन् ।

स्थानीय रामदल रानाले चार बिघा जमिन दोदाले बगाएपछि आफ्नो परिवारलाई जीविका चलाउन समस्या भएको गुनासो गरे । ‘सानो बजेटले दोदाको तटबन्ध निर्माण सम्भव नै देखिँदैन’ उनले भने ‘केन्द्र सरकारको बजेटमा नपरेसम्म दोदाको तटबन्ध निर्माण असम्वभ जस्तै छ ।’

उक्त कार्यालयका अनुसार कृष्णपुुर नगरपालिकाअन्तर्गत मोहना नदी र कैलालीको खुटिया, धनगढीको चटपकपुरलगायत स्थानमा गत वर्षदेखि एशियाली विकास बैंकको कार्यक्रमअन्तर्गत तटबन्ध निर्माण भइरहेको छ ।

Discussion about this post

सम्बन्धित समाचार

Related Posts

लोकप्रिय समाचार