धनगढी,
महेन्द्रनगर पोष्टका सम्पादक टेकसिंह धामीलाई नेवि संघका कार्यकर्ता ओमप्रकाश अवस्थीले टाउको फुटाईदिने धम्की दिएका छन् ।
धनगढीमा पत्रकारिता गर्ने धामीलाई आफूलाई नेवि संघको नेता बताउने अवस्थीले फोन गरेर टाउको फुटाइदिने धम्की दिएका हुन् ।
धामी सम्पादक रहेको महेन्द्रनगर पोष्टमा प्रकाशित भएको “कैलाली बहुमुखी क्याम्पसका स्वतन्त्र उम्मेदवारलाई नेविसंघको धम्की” शिर्षकको समाचारको विषयलाई लिएर समाचार किन लेखिस् तेरा हातखुट्टा भाँचिदिने भन्दै धम्क्याएका हुुन् ।
‘नेवि संघको स्वतन्त्र उम्मेदवारलाई दवाव दिएको समाचार किन लेखिस् टाउको फुटालिदिन्छु । अब हिसावकिताब हुन्छ,’ उनले फोनमार्फत धामीलाई धम्क्याउदै भनेका छन् ।
यसैबीच पत्रकार धामीलाई धम्की दिएको घटनाप्रती प्रेस चौतारी र नेपाल प्रेस युनियन कैलालीले ध्यानाकर्षण भएको जनाउदै अवस्थीलाई कारवाहीको दायरामा ल्याउन माग गरेको छ । चौतारीका कैलाली सचिव जनक बिष्ट र नेपाल प्रेस युनियन कैलाली सचिव सिताराम ओझाले बिहीबार प्रेस विज्ञप्ति जारी गर्दैै समाचारमा असहमती भए कानूनी उपाय खोज्ने बाटो हुँदाहुँदै धम्की दिएको घटनाको निन्दा र भत्र्सना गर्दै कारवाहीको माग गरेका हुन् ।
Discussion about this post