झलारी,
कञ्चनपुरको झलारीमा प्रहरीद्धारा बस सहित अवैध चिनी बरामद गरिएको छ ।
आज बिहान करिब ९ बजे ईलाका प्रहरी कार्यालय झलारी कञ्चनपुरले अवैध चिनी धनगढी तर्फ बस मार्फत जानलागेको बरामद गरेको छ ।
अस्थायी प्रहरी विट कलुवापुरबाट खटिएको संयुक्त प्रहरी टोलीले शुक्लाफाँटा नगरपालिका वडा न.११ कलुवापुर स्थित पूर्वपश्चिम राजमार्गमा चेकजाँच गर्ने क्रममा तस्करीका सामान बरामद गरिएको प्रहरीले जनाएको छ ।
महेन्द्रनगरबाट पूर्व (अत्तरिया) तर्फ जाँदै गरेको महाकाली यातायातको ना ४ ख ४०२७ नम्बरको बसमा अवैध रुपमा भन्सार छली गरी लुकाई छिपाई तस्करले लैजादै गर्दा १० क्वीन्टल चिनी र बस सहित बरामद गरी कारवाहीका लागी भन्सार कार्यालय गड्डा चौकी पठाएको प्रहरी कार्यालय झलारीले जनाएको छ ।
यसरी ठुलो मात्रामा अवैध समान भन्सार छलि नेपाल भित्रिदा सिमा सुरक्षामा खटिको सुरक्षा टोली माथी गम्भिर प्रश्न खडा भएको छ । यो कुनबाटो नेपाल भित्रियो सय विषमाय अनुसन्धान भइरहेको प्रहरीले जनाएको छ ।
Discussion about this post