बाईस घण्टापछि बाघ फेला, गंगा पनि मृत फेला

593
VIEWS

कञ्चनपुर,
बिहीबार बिहान १० बजेतिर खेतका परेर मानिसमाथि आक्र्रमण गरेको बाघ बाईस घण्टापछि फेला परेको छ ।

बेलौरी नगरपालिका ८ पचुईकी ४५ बर्षिया गंगा चन्दलाई आक्र्मण गर्ने बाघ शुक्रबार बिहान ८ बजेतिर फेला परेको हो । संगै गंगा पनि मृत फेला परेकी छिन ।

श्रृखलाबद्ध रुपमा मानिसमाथि आक्र्रमण गर्दै आएको बाघलाई नियन्त्रणका लागि बर्दिया राष्ट्रिय निकुञ्जबाट बाघ विज्ञ डा. दीनेश देवकोटा र शुक्लाफाँटा राष्ट्रिय निकुञ्जबाट आभास श्रेष्ठ सहित हात्ती परिचालन गरिएका थिए ।

दुई दिनदेखि बाघ र मानिसको खोजी गरेपनि बाघ फेला परेर नियन्त्रणमा लिईएको छ । भने गंगा पनि घटना स्थल क्षेत्रमै मृत फेला परेकी छिन । शुक्लाफाँटा राष्ट्रिय निकुञ्जका प्रमुख संरक्षण अधिकृत अशोक कुमार मेहताले ड्रागबाट बाघ नियन्त्रमा लिईएको बताए ।

घटना स्थलदेखि बाघलाई निकुञ्जतर्फ लगेपनि कहाँ छाड्ने अध्ययन पछि मात्रै एकिन गरिने उनले बताए ।
सोही बाघले गत १० चैत्रमा पुनर्वास नगरपालिका १० विकासबस्तीकी कलसा सार्कीलाई आक्र्रमण गरेको ठिक एक महिनामै बेलौरी नगरपालिका ८ पचुईकलकत्ताकी महिला गंगामाथि आक्र्रमण गरेको छ ।

पुनर्वासकी सार्की महिलामाथि आक्र्रमण गरेको दुई सातामा भारत लखिमपुरखिरीकी एक भारतीय महिलामाथि आक्र्रमण गरेको बाघले फेरी नेपाल बेलौरी ८ कलकत्ता पचुईकी गंगा चन्दमाथि आक्र्रमण गरेको छ ।

शुक्रबार बिहान खेतमा घाँस काटन गएकी गंगालाई बाघले आक्र्रमण गरेर आफ्नो नियन्त्रणमा राखेको स्थानीयले बताएका थिए । मानिसमाथि श्रृखलाबद्ध आक्र्रमण गर्न थालेपछि सीमावर्ती नेपाल भारतका स्थानीय त्रसित भएका छन । सोही बाघले नै एक महिनाको अवधिमा (नेपाल भारत) तीन महिलामाथि आक्र्रमण गरेपछि सीमावर्ती क्षेत्रका स्थानीय त्रसित भएका छन ।

Discussion about this post

सम्बन्धित समाचार

Related Posts

लोकप्रिय समाचार