पुनर्वासमा मोटरसाइकल र टिप्पर एकआपसमा ठोक्किदा मोटरसाइकल चालकको मृत्युु

पनुर्वास,
आज बिहानै पुनर्वास नगरपालिका-५, सिमरीमा टिप्पर र मोटरसाईकल एकआपसमा ठोक्किदा मोटरसाइकल चालकको मृत्यु भएको छ ।

ठक्करबाट सिमरी गाउँकै मोटरसाइकल चालक ५५ वर्षिय मोतिलाल रानाको उपचारका क्रममा धनगढीमा मृत्यु भएको ईलाका प्रहरी कार्यालय त्रिभुवनबस्तीले जनाएको छ ।

धनगढी तर्फ गईरहेको सु.प.प्र.०१-००१क २२०० नम्बरको टिप्परसंग सिमरी गाउँभित्रबाट विपरित दिशाबाट हुलाकी सडकमा आईरहेको से.४प. २२७१ नम्बरको मोटरसाईकल ठोक्किदा गम्भिर घाईते भएका रानाको उपचारका क्रममा मृत्यु भएको हो ।

दुर्घटना लगत्तै उपचारका लागि धनगढी स्थित माया मेट्रो हस्पिटल पुर्याईएको थियो । मृतक रानाको शव पोष्टमार्टमका लागि सेती प्रादेशिक अस्पताल लगिएको छ भने टिप्पर,मोटरसाइकल र चालक ईलाका प्रहरी त्रिभुवनबस्तीको नियन्त्रणमा रहेको छ ।