अनारकलीको मोबाईल लुटने दुई युवक प्रहरी फन्दामा

131
VIEWS

कञ्चनपुर,
कञ्चनपुरको कृष्णपुर नगरपालिका २ वाणिकी एक महिलाको मोबाईल लुटपाट गर्ने दुई युवक पक्राउ परेका छन ।

२४ असार साँझ ९ बजेतिर कृष्णपुर नगरपालिका २ वाणिकी २१ बर्षिया अनारकली चौधरीको मोबाईल सहितका समान लुटपाट गर्ने युवक पक्राउ परेका हुन ।

जिल्ला प्रहरी कार्यालय कञ्चनपुरका प्रवक्ता प्रकास डाँगीले अनारकलीको रेडमी कम्पनीको मोवाईल सहितका समान लुटपाट गर्ने भीमदत्त नगरपालिका १३ पिपैयाका २१ बर्षिया दिपक चदारा र दोधाराचाँदनी १ चाँदनीका २२ बर्षिया अर्जुन सुनार पक्राउ परेको बताए ।

प्रहरी प्रवक्ता डाँगीका अनुसार सुपप्र ०२००३प६५१ नम्बरको मोटरसाईकलमा सवार चदारा र सुनारले धान रोपेर घर गईरहेकी अनारकलीलाई खुकुरी देखाएर मोवाईल लुटपाट गरेका थिए । अनारकलीलाई कुटपिट गर्ने यि दुवै जनालाई प्रहरीले दुई दिनमै पक्राउ गरेको छ ।

पक्राउ परेका दुवैको साथबाट खुकुरी र मोटरसाईकल समेत बरामद गरेको छ ।

महिलामाथि लुटपाट गर्ने दुबै जना बिरुद्धमा थप अनुसन्धान भईरहेको प्रहरीले जनाएको छ । लुटपाटको उक्त घटनामा संलग्नामाथि कानुनी कार्बाही गर्नुपर्ने प्रहरीले जनाएको छ ।

Discussion about this post

सम्बन्धित समाचार

Related Posts

लोकप्रिय समाचार