कञ्चनपुरको पुनर्वासबाट लागुऔषधसहित सशस्त्र प्रहरी पक्राउ

लाल ब.एसके/पुनर्वास– कञ्चनपुरको पुनर्वासबाट लागुऔषध सहित सशस्त्र प्रहरी र एकजना युवा पक्राउ परेका छन् ।

आज(शनिबार) साँझ पुनर्वास नगरपालिका-१० दोदा पुलबाट नेपाल प्रहरीको सुदूरपश्चिम प्रदेश अनुसन्धान समूह (आरआइटी)ले उनीसहित २ जनालाई पक्राउ गरेको हो।
पक्राउ पर्नेमा कैलालीको धनगढी उपमहानगरपालिका-३ का २८ वर्षीय प्रदिप पाख्रीन र सोही ठाउँका ३२ वर्षीय विकल मगर रहेका छन्। प्रदिप दार्चुलामा कार्यरत सशस्त्र प्रहरी जवान रहेको खुलेको छ।

उनीहरु सवार सुपप्र ०२००३ प ६४३१ नम्बरको मोटरसाइकल चेकजाँच गर्दा १.२ ग्राम लागुऔषध (ब्राउन सुगर) फेला परेको प्रहरीले बताएको छ।
लागुऔषध नियन्त्रणमा पछिल्लो समय पुनर्वास ईलाका प्रहरी कार्यालय लगायत प्रमुखले राम्रो काम गर्नु भएको स्थानीय बताउछन् ।