कञ्चनपुर, सशस्त्र प्रहरीले कञ्चनपुरको दक्षिण सडकघाट क्षेत्रबाट लागु औषध सहित एक जनालाई पक्राउ गरेको छ ।
सशस्त्र प्रहरी बलको भुडाबोर्ड आउट पोष्टबाट खटिएको टोलीले बेलौरी नगरपालिका १० सडकघाट क्षेत्रबाट कृष्णपुर नगरपालिका ४ गुलरियाका रितिक थापालाई पक्राउ गरेको हो । सशस्त्र प्रहरी बल ३५ नम्बर गण शैलेश्वरीका अनुसार २.६८ग्राम ब्राउन सुगर सहित थापालाई पक्राउ गरिएको छ ।
थापालाई शंका लागेपछि सशस्त्र प्रहरीले चेकजाँच गरेको थियो । चेकजाँचका क्रममा थापाको साथमा लागु औषध भेटिएपछि नियन्त्रणमा लिईएको थियो । उनको साथमा रहेको मोटरसाईकल सहित बरामद गरेर थप कार्बाहीका लागि ईप्रका बेलडाँडीमा बुझाईएको छ ।
सशस्त्र प्रहरीले भुडा, सडकघाट सहितका आसपासका सीमावर्ती क्षेत्रमा सुरक्षा सुरक्षा, चोरी तस्करी नियन्त्रणदेखि लागु औषध ओसारपसार बिरुद्धमा कार्बाही चलाएको छ ।
Discussion about this post