राष्ट्रिय स्वतन्त्र पार्टी बेलडाँडीको पहलमा विद्यालयमा वृक्षारोपण

बेलडाँडी, १ भाद्र । राष्ट्रिय स्वतन्त्र पार्टी बेलडाँडीेको पहलमा एक विद्यालयमा वृक्षारोपण कार्यक्रम गरिएको छ । शुक्रवार विद्यालय परिसरमा पार्टीको पहलमा स्थानीय, विद्यालय व्यवस्थापन समिति, शिक्षक, चवन्नी वजार व्यवस्थापन समिति लगायतकाले वृक्षारोपण गरेको हो ।

स्वतन्त्र पार्टी बेलडाँडीले नयाँ सभापति युवा ब्यवसायी तेज सिंह धामीलाई चयन गरेपछि पहिलो कार्यक्रम अन्तर्गत विद्यालयमा वृक्षारोपण गरिएको युवा नेता तथा इन्जिनियर केशबराज जोशीले जानकारी गराउनु भयो । पार्टीले लगायतार विद्यालय लगायत सार्वजनिक स्थलमा धेरै काम गर्ने सोच रहेको बताए ।

राष्ट्रिय स्वतन्त्र पार्टीका बेलडाँडी सभापति तेज सिंह धामीले वृक्षारोपण मानव जीवनका लागि अपरिहकार्य रहेको बताउदै उनले भने विद्यालयको भौतिक पूर्वाधार तथा शैक्षिक विकासका निम्ति पार्टीका तर्फबाट हुने पहल गर्ने बताए । ‘विद्यालयको शैक्षिक, भौतिक निर्माण लगायत कार्यहरुमा हातेमालो गर्छौैं । ’ रोपिएका विरुवा संरक्षण गर्न उनले विद्यालय परिवारलाई आग्रह गरे ।

वृक्षारोपण कार्यक्रममा सहभागि स्थानीयहरुले विद्यालयको विकास गर्नुपर्छ भनेर लागिपर्नु सराहनीय रहेको बताए ।

कार्यक्रममा पार्टीको पहलमा बन कार्यालयबाट १ हजार विभिन्न जातका विरुवाहरु ल्याइएको र ५ सय विरुवा विद्यालयमा रोपिएको अन्य चवन्नी मन्दिर, खैरिघाट मन्दिरमा समेत पठाइएको जोशीले जनाए ।