बेलडाँडीमा जारी फुटबल खेलको फाइनल खेल बुधवार सिंहपाल र झिलमिला बिच हुने

बेलडाँडी/भाद्र २६ । बेलडाँडी गाउँपालिका वडा न .१ मा अलस्टार युवा क्लबद्वारा जारी फुटवल खेलको फाइनल सिंहपाल र झिलमिला बि बिच २७ गते बुधवार हुने भएको छ ।

क्लबद्वारा आयोजित खुला फुटबल प्रतियोगिताको सेमिफाइनल खेल आइतबार सम्पन्न भएका थिए । छैठौं संस्करण बेलडाँडी खुल्ला फुटबल प्रतियोगितको पहिलो सेमिफाइनल खेल वाई बि स्टार र सिंहपाल युवा क्लब बिच हुदा ०-१ गोलको हराउँदै सिंहपाल युवा क्लब फाइनल प्रवेश गरेको थियो भने दोस्रो खेल झिलमिला युवा समाज बि र बेलाैरी-९ बिच भएको खेलमा ०-७ गोलले झिलमिला बिजयहुदै फाइनल प्रवेश गरेको आयोजक क्लबका सचिब बिकास महताले जानकारी गराउनु भयो ।

महताका अनुसार प्रतियोगिताको फाइनल खेल सोमवार खेलाउने तय गरेपनि वर्षाका कारण खेलमैदान र खेलाडी लाई मध्यनजर गर्दै बुधवार मात्र फाईनल खेल र समापन गरिने जनाएका छन् ।

प्रतियोगिताको विजेता टिमले नगद ७५ हजार ट्रफी प्रमाणपत्र मेडल, उपविजेता टिमले ४५ हजार ट्रफी, प्रमाणपत्र ,मेडल हात पार्ने छन् । भने प्रतियोगिताका विभिन्न विधाका खेलाडी लाई पनि पुरस्कारको व्यवस्था रहेको छ। प्रतियोगितामा २० टिमको सहभागिता रहेको थियो।