बेलौरी १०, शिवनगरका किसान तथा शिक्षक शाहीद्धारा कागती उत्पादन, कागती उत्पादनले स्थानीय अर्थतन्त्रलाई सुदृढ बनाउन योगदान

बेलडाँडी । बेलौरी नगरपालिका वडा नं. १०, शिवनगरका किसान तथा शिक्षक लालबहादुर शाहीले कृषि क्षेत्रमा एउटा प्रेरणादायक उदाहरण प्रस्तुत गर्दै २.५ विघा खेतमा कागती उत्पादन गर्दै आउनुभएको छ ।

उहाँले दैनिक ५० केजीभन्दा बढी कागती उत्पादन गरेर स्थानीय बजारमा गुणस्तरीय कागती उपलब्ध गराइरहनुभएको छ । कागतीको मूल्य प्रति केजी रु. ७० रहेको छ र यसलाई उहाँ घरबाटै बेच्ने काम गर्दै हुनुहुन्छ ।

शाही केवल कृषि क्षेत्रमा मात्र सफल हुनुहुन्न, उहाँ एक असल शिक्षक पनि हुनुहुन्छ र शिक्षा क्षेत्रमा पनि आफ्नो योगदान पुर्याइरहनु भएको छ । उहाँको मेहनत र लगनशीलताले क्षेत्रीय अर्थतन्त्रमा सकारात्मक परिवर्तन ल्याएको छ । उहाँको कागती खेतीको सफलता स्थानीय किसानहरूका लागि एक प्रेरणा बनिरहेको छ र शाहीज्युको कार्यले स्थानीय कृषकहरूलाई कृषिमा नयाँ प्रयोग र व्यवसायिक दृष्टिकोण अपनाउन उत्साहित गरेको छ ।

शाहीका कागती ताजगी र गुणस्तरमा उच्च मानकका छन्, जसका कारण स्थानीय बजारमा यसको उच्च माग रहेको छ । कागतीको बिक्रीबाट प्राप्त हुने आयले शाहीका परिवारको आर्थिक स्थितिमा सुधार ल्याउन मद्दत पुर्याएको छ र यसले स्थानीय किसानहरूको मनोबल पनि बढाएको छ । उहाँले आफ्नो उदाहरणबाट, कृषि क्षेत्रमा सस्तो र प्रभावकारी उत्पादन विधि अपनाएर, आत्मनिर्भर र समृद्ध समुदायको निर्माण गर्न सकिन्छ भन्ने कुरा प्रमाणित गर्नुभएको छ ।

शाहीज्युको कागती खरिद गर्न इच्छुक ग्राहकहरूले उहाँलाई सीधै सम्पर्क गर्न सक्नुहुन्छ । यसरी, हामीले स्थानीय कृषकको उत्पादनलाई प्रोत्साहन दिँदै स्वदेशी उत्पादनको मूल्य र गुणस्तरलाई महत्व दिन सक्छौं । यसले मात्र व्यक्तिगत लाभ पुर्याउने छैन, समग्रमा हाम्रो स्थानीय अर्थतन्त्रलाई सुदृढ बनाउन मद्दत पुर्याउनेछ ।

नेपाली काँग्रेस क्षेत्र नं. १ का सभापति गोपी प्रसाद उपाध्यायले बेलौरी नगरपालिका वडा नं. १०, शिवनगरका किसान तथा शिक्षक लालबहादुर शाहीको कागती उत्पादनको बारेमा प्रशंसा गर्दै भन्नुभयो, “बेलौरी नगरपालिका वडा नं. १०, शिवनगरका किसान तथा शिक्षक लालबहादुर शाहीज्युले करिव २.५ विघा खेतबाट दैनिक ५० केजी भन्दा बढी कागती उत्पादन गर्दै रु. ७० प्रति केजीमै घरबाट बिक्री गर्दै आइरहनु भएको छ । उहाँले उत्कृष्ट मेहनत र लगनशीलताबाट स्थानीयस्तरमै सफल उद्यमको उदाहरण प्रस्तुत गर्नुभएको छ । उहाँको कागती बजारमा ताजा र गुणस्तरीय उपलब्ध छ, जसले स्थानीय अर्थतन्त्रलाई सुदृढ बनाउन मद्दत पुर्याएको छ । साथै, शाहीज्यु असल शिक्षक पनि हुनुहुन्छ र उहाँको कार्यले शिक्षा र कृषि दुवै क्षेत्रमा उत्कृष्टता स्थापित गरेको छ ।“

उनले थप्नुभयो, “हामी सबैलाई स्वदेशी उत्पादनलाई प्राथमिकता दिनु र यसलाई प्रोत्साहन गर्नु आवश्यक छ । कागती खरिदका लागि लालबहादुर शाहीज्युलाई सम्पर्क गर्न र उहाँको मेहनतको कदर गर्नुहोस्।“

गोपी प्रसाद उपाध्यायले शाहीको कागती उत्पादनलाई एक सकारात्मक उदाहरणको रूपमा प्रस्तुत गर्दै, यसले स्थानीय कृषकहरूको मनोबल बढाउन र क्षेत्रीय अर्थतन्त्रमा योगदान पुर्याउन महत्वपूर्ण भूमिका निर्वाह गर्ने विश्वास व्यक्त गर्नुभयो ।

यस सफल उद्यमको उदाहरणबाट हामी सबैलाई प्रेरणा लिनु आवश्यक छ । स्वदेशी उत्पादनको प्रोत्साहन र स्थानीय कृषकको समर्थन गर्न, हामी सबैको सानो योगदानले ठूलो परिवर्तन ल्याउन सक्छ ।