कैलाली कञ्चनपुरमा छाडा चौपाया व्यवस्थापन गर्न ७ करोड

30
VIEWS

धनगढी मुख्य चुनौती बन्दै गएको छाडा चौपाया व्यवस्थापनमा प्रदेश सरकारले ७ करोड बजेट खर्चिने बताएको छ। सुदूरपश्चिम प्रदेश सरकारले चौपाया व्यवस्थापन गर्न संरचना बनाउने उनीहरूको आहार बिहारको लागि बजेट समेत विनियोजन भएको बताएको छ ।

 

प्रदेशका भूमि व्यवस्था तथा सहकारी मन्त्री रामेश्वर चौधरीले छाडा चौपाया व्यवस्थापन गर्न कैलाली र कञ्चनपुरमा ७ करोड बजेट खर्चिने बताएका छन् । आफू साउन १७ गते मन्त्रीको पदभार गरेलगत्तै पहिलो निर्णय नै छाडा चौपाया व्यवस्थापन गर्ने निर्णय गरेको सुनाउँदै उनले व्यवस्थापनको क्रममा चौपाया राख्न संरचना निर्माण, मल उत्पादन गर्नेलगायतको लागि ३ करोड २० बजेट विनियोजन गरेको बताए।यस्तै, कैलाली र कञ्चनपुर जिल्लास्थित भेटेनरी अस्पताल तथा पशु सेवा विज्ञ केन्द्रमार्फत २ करोडका दरले बजेट पनि छाडा चौपाया व्यवस्थापनमा खर्चिने मन्त्री चौधरीको भनाइ छ।

 

जसको लागि सम्बन्धित पालिकाले चौपाया व्यवस्थापन गर्न साझेदारी गर्नु पर्ने भएको छ। सम्बन्धित पालिकाले चौपाया व्यवस्थापनको लागि प्रस्ताव ल्याएको अवस्थामा साझेदारीमा काम गर्ने समेत बताएका छन।छाडा चौपाया व्यवस्थापनमा करोडौँ खर्च गरिएपनी समस्या उस्तै रहेको देखीएको छ। छाडा चौपाया व्यवस्थापनमा सरकारले करोडौँ खर्च गरिसकेको भएपनी अझै समस्या समाधान हुन सकेको छैन्।

Discussion about this post

सम्बन्धित समाचार

Related Posts

लोकप्रिय समाचार